गौशालामा CFWA द्वारा समुन्नती कार्यक्रम, फोकल शिक्षकहरुलाई तालिम प्रदान 

ममता शर्मा    प्रकाशित: २०७९-१-२४ गते   १९९० पटक हेरिएको

ममता शर्मा 

महोत्तरीको गौशाला नगरपालिकामा समुन्नती कार्यक्रम अन्तर्गत फोकल शिक्षकहरूलाई तीन दिने तालिम सम्पन्न भएको छ ।  सामुदायिक परिवार कल्याण संघ (CFWA) द्वारा आयोजित उक्त तालिम सेभ द चिल्ड्रेनको आर्थिक सहयोगमा र गौशाला नगरपालिकाको समन्वयमा सञ्चालन गरिएको थियो । 

सङ्घका फिल्ड अफिसर सुमन वर्माको नेतृत्वमा सञ्चालन गरिएको सो तालिममा नगरपालिकाका ८ वटा वडाका शिक्षकहरुलाई समावेश गरी उनीहरुलाई बालबालिकाको स्याहार तथा उनीहरूको स्वास्थ्य र पोषण विद्यमान स्थिति सुधार गर्ने कार्य सम्बन्धी तालिम दिएको थियो ।

बालबालिकाको औषधि उपचार, प्राथमिक स्वास्थ्य सम्बन्धि कुरा, पोषण, खानेकुरा लगायत उनीहरूको हेरचाहको बारेमा शिक्षकहरूलाई जानकारी प्रदान गरिएको हो ।

सो कार्यक्रम  ‘परियोजना प्रभावित क्षेत्रका सम्पूर्ण बालबालिकाहरुको स्वस्थ शिक्षित असल पालनपोषण कर्ता तथा स्याहार कर्ता पथा स्याहार कर्ता भई समाजका सकरात्मक योगदान कर्ता  हुन्’ भन्ने मूल उद्देश्यका साथ कार्यक्रम संचालन गरिएको सङ्घका फिल्ड अफिसर सुमन वर्माले जानकारी दिएका छन् ।
 

© Copyright 2020 Nigarani Today. All rights reserved.
सस्तो नभई भरपर्दाे वेबसाईट बनाउन सम्पर्क : ९८०१०३५९०५
Design & Developed By : Journey For Tech