दुर्घटना हुँदा २ युवकको ज्यान गयो

रेडियो जुनतारा डेस्क    प्रकाशित: २०७९-२-३० गते   २३५० पटक हेरिएको


वीरगन्ज, जेठ ३०

बारामा मोटरसाइकल अनियन्त्रित भएर दुर्घटनामा दुई जनाको ज्यान गएको छ ।

ज्यान जानेमा बाराको सुवर्ण गाउँपालिका ७ सनफुल्वा टोल बस्ने ३५ वर्षीय विरुलाल यादव र भारतको मोतिहारी जिल्ला पूर्वी चम्पारण समरपुर-२ बस्ने ३० वर्षीय मेवा चन्द्र राय यादव छन् ।आइतबार राति साढे १० बजे हुलाकी राजमार्गको बारा महागढीमाई नगरपालिका-८ थलही पुलमा बरियारपुरबाट लंगडाचोकतर्फ जाँदै गरेको प्र.०२-०३-००४प. ७९३४ नम्बरको मोटरसाइकल आफैं अनियन्त्रित भई दुर्घटना भएको हो ।

दुर्घटनामा परी मोटरसाइकलसहित चालक र पछाडि सवार दुवैजना पुलभन्दा २५ फिट तल खसेर गम्भीर घाइते भएका थिए ।

उनीहरूको उपचारको क्रममा कलैया अस्पतालमा सवा ११ बजे मृत्यु भएको  जिल्ला प्रहरी कार्यालय बाराका प्रवक्ता प्रहरी नायब उपरीक्षक राजेश थापाले जानकारी दिए ।

© Copyright 2020 Nigarani Today. All rights reserved.
सस्तो नभई भरपर्दाे वेबसाईट बनाउन सम्पर्क : ९८०१०३५९०५
Design & Developed By : Journey For Tech