मोटरसाइकल दुर्घटना हुँदा एकजनाको मृत्यु

रेडियो जुनतारा डेस्क    प्रकाशित: २०७९-३-४ गते   १४०५ पटक हेरिएको

गौशाला,महोत्तरी

असार,४  

महोत्तरीको गौशाला नगरपालिका वडा नं ४ मा मोटरसाइकल दुर्घटना हुँदा एकजनाको मृत्यु भएको छ।

गौशाला नगरपालिका वडा नं. ४ पानी ट्यांकी  नजिक माईस्थान–सम्सी सडक खण्डमा गौशालाबाट रजखोर तर्फ जादै गरेको साईकल यात्रीलाई सोही दिशाबाट जादै गरेको ज १० प २०६६ नम्बरको मोटरसाइकलले पछाडीबाट ठक्कर दिंदा साइकल यात्री घाइते भएका थिए।

 महोत्तरीको  गौशाला नगरपालिका वडा नं. ४ (मगरटोल) वस्ने अन्दाजी वर्ष ५० को गणेश बहादुर थापा (कलुवा) मगरको टाउको समेतमा चोटलागी गम्भीर घाइते भएकोमा उपचारको लागी प्रादेशिक अस्पताल जनकपुरमा पठाईको र उनको  उपचारको क्रममा ७ः४५ बजेको समयमा  मृत्यु भएको गौशाला ईलाका प्रहरी कार्यालयको प्रहरी निरीक्षक रंजन मिश्रले जानकारी दिएका छन्  ।

अहिले शवलाई पोष्ठमाटमको लागि जलेश्वर अस्पताल लगीएको इलाका प्रहरीले गौशालाले जनाएको छ। यता मोटरसाइकल चालक फरार रहेकाले खोजी कार्य भईरहेको प्रहरीले जनाएको छ ।

© Copyright 2020 Nigarani Today. All rights reserved.
सस्तो नभई भरपर्दाे वेबसाईट बनाउन सम्पर्क : ९८०१०३५९०५
Design & Developed By : Journey For Tech