कलैयामा २ मोटरसाइकल ठोक्किदा १ जनाको मृत्यु, ४ जना घाइते

उपेन्द्र पासवान    प्रकाशित: २०७९-३-७ गते   १६३ पटक हेरिएको

उपेन्द्र पासवान 

बाराको कलैयामा २ वटा मोटरसाइकल एकआपसमा ठोक्किदा १ जनाको मृत्यु भएको छ भने ४ जना घाइते भएका छन् ।

कलैया उपमहानगरपालिका वडा नम्बर २७ मौजेरामपुरस्थित बिजुलपुरबाट कलैयातर्फ आउँदै गरेको ना.२८ प ७७६८ नम्बरको मोटरसाइकल र बिपरित दिशाबाट जाँदै गरेका ना. ३४ प ७९२२ नम्बरको मोटरसाइकल एकआपसमा ठोक्किदा १ जनाको मृत्यु भएको हो ।

बाराको करैयामाई गाउँपालिका १ निवासी २३ वर्षीय तबरेज आलमको कलैया अस्पतालमा उपचारका लागि लैजादै गर्दा बाटोमै मृत्यु भएको प्रहरीले जनाएको छ । आलमको शबलाई कलैया अस्पतालमै राखिएको छ ।

दुर्घटनामा परी सोही ठाउँका २५ वर्षीय नसरुदिन अन्सारी, भारत मोतिहारी पतही बस्ने ३५ वर्षीय सुरेश साह, सुरेशकी श्रीमती ३२ वर्षीय सबिता देवी र सोही ठाउँका २२ वर्षीय रामप्रवेश साह घाइते भएको जिल्ला प्रहरी कार्यालय बाराले जानकारी दिएको छ ।

© Copyright 2020 Nigarani Today. All rights reserved.
सस्तो नभई भरपर्दाे वेबसाईट बनाउन सम्पर्क : ९८०१०३५९०५
Design & Developed By : Journey For Tech