आफुले चढ्ने गाडी उपाध्यक्षलाई दिने अध्यक्ष यादवको घोषणा

उपेन्द्र पासवान    प्रकाशित: २०७९-३-८ गते   २०८ पटक हेरिएको

उपेन्द्र पासवान

असार ८ गते

बारा देवताल गाउँपालिकाको आव २०७९/०८० को गाउँ सभा शुरु भएको छ । गाउँ सभाबाट ३५ करोड १४ लाख २५ हजार बराबरको बजेट प्रस्तुत गरिएको छ ।

गाउँसभालाई सम्बोधन गर्दै गाउपालिका अध्यक्ष उदय प्रसाद यादवले अध्यक्षले चढ्ने चार पाँग्रे गाडी उपाध्यक्षलाई प्रयोग गर्न दिने घोषणा गरेका छन । गाउँपालिका उपाध्यक्ष सितापती देवी यादवले बारम्बार गाडी चाहियो गाडी चाहियो भनेर दबाब दिने गरेको र कार्यालयका कर्मचारी माथी पनि गाडिको लागि दबाब दिने गरेकाले आफुले प्रयोग गर्ने गाडी उपाध्यक्षलाई चलाउन दिने बताएका छन ।

सरकारले नयाँ गाडी किन्न रोक लगाएको र यता बिना गाडि हुनै नसक्ने अडान उपाध्यक्षले राखेपछि आफू यस्तो निर्णय गर्न बाध्य भएको बताउदै अब देखि आफुले उपाध्यक्षले प्रयोग गर्ने स्कुटी प्रयोग गर्ने बताएका छन ।

अध्यक्ष यादवले मालिक नभएर सेवकको नाताले गाउँपालिकाको जनता प्रती उतरदायी,पारदर्शी,मेहनती,र ईमान्दार भएर सारा जनप्रतिनिधि तथा कर्मचारीको सहयोगमा समृद्ध देवतालको निर्माण गर्ने बताएका छन ।

सो अवसरमा असहाय सङ्ग गापा अध्यक्ष कार्यक्रम अन्तर्गत गापा भित्रका असहाय,गरिब,सहिद,बिधवा,बिपन्न परिवारका छोरिको विवाहका लागि २५ देखि ५० हजार सम्म आर्थिक सहयोग गर्ने नीति बनाएको बताएका छन । गाउँपालिकाका प्रमुख प्रशासकीय अधिकृत वकिल पालले स्वागत गरेको कार्यक्रमको सन्चालन योजना तथा प्रशासन शाखा प्रमुख राजिव यादवले गरेका थिए ।

© Copyright 2020 Nigarani Today. All rights reserved.
सस्तो नभई भरपर्दाे वेबसाईट बनाउन सम्पर्क : ९८०१०३५९०५
Design & Developed By : Journey For Tech