साउन पहिलो हप्तामा माध्यामिक शिक्षा परीक्षा (एसईई) को रिजल्ट आउने

रेडियो जुनतारा डेस्क    प्रकाशित: २०७९-३-२८ गते   २१३४ पटक हेरिएको

असार २८ 

साउन पहिलो हप्तामा माध्यामिक शिक्षा परीक्षा (एसईई) को नतिजा सार्वजनिक हुने भएको छ ।एसईई परीक्षा नियन्त्रण कार्यलयका अनुसार सबै परीक्षण केन्द्रहरुबाट विद्यार्थीको उत्तरपुस्तिका केन्द्रमा ल्याउन बढी समय लागेकाले नतिजा सार्वजनिक गर्न ढिलाइ भएको हो ।

परीक्षा नियन्त्रक अर्जुन रायमाझीले असार मसान्तभित्र रिजल्ट सार्वजनिक गर्ने भनेर तयारी थालेपनि उत्तरपुस्तिका संकलनमा ढिला भएकाले नतिजा सार्वजनिक गर्न पनि ढिला भएको बताए ।उनले सम्भवत साउन पहिलो हप्ताभित्र रिजल्ट सार्वजनिक गर्ने बताए।

असार २१ मा देशभरका ५६ परीक्षण केन्द्रहरुबाट उत्तरपुस्तिका एसईई परीक्षा नियन्त्रण कार्यलयमा जम्मा भएको थियो ।

राष्ट्रिय परीक्षा बोर्डले यो वर्ष विद्यार्थीहरुको प्राप्ताङ्क प्रदेशले नै अपडेट गर्ने बताउँदै आएको थियो । तर, प्रदेशले अपडेट गर्ने सफ्टवेयर जडान भइनसकेकाले यो पटक केन्द्रबाटै सबै नतिजा सार्वजनिक हुने परीक्षा नियन्त्रण कार्यालयले जनाएको छ ।

२०७९ वैशाख ९ गतेदेखि २० गतेसम्म सञ्चालन भएको २०७८ सालको एसईईको परीक्षण भइसकेको उत्तरपुस्तिकालाई सानोठिमीस्थित परीक्षा नियन्त्रण कार्यालयमा जम्मा गरिएको थियो ।

© Copyright 2020 Nigarani Today. All rights reserved.
सस्तो नभई भरपर्दाे वेबसाईट बनाउन सम्पर्क : ९८०१०३५९०५
Design & Developed By : Journey For Tech