निरन्जन कुमार साह
गौशाला ,असार ३१
गौशालामा औलो ज्वरो तथा किटजन्य रोगको लागि पालिका स्तरीय अभिमुखीकरण कार्यक्रम सम्पन्न भएको छ । शुक्रबार गौशाला नगरपालिकाको सभाहलमा सामाजिक विकास मन्त्रालय स्वास्थ्य निर्देशनालय, मधेश प्रदेश सरकारको आयोजनामा कार्यक्रम संचालन गरिएको हो ।
कार्यक्रममा समाजमा सजिलै संग एक व्यक्तिबाट अर्को व्यक्तिमा सर्ने रोग कालाजार र मलेरिया रोगको बारेमा जानकारी गराइएको छ । कालाजार तथा मलेरिया रोग गौशालामा वसोवास गर्ने गरिब विपन्न तथा मुसहर समुदायमा बढी देखा परेको छ । सरसफाई, स्वास्थ्य खानपिन लगायतका कमिको कारण गरिबी विपन्न परिवारलाइ यस रोगले बढी सताउने गरेको छ ।
सेभ द चिल्ड्रेनका प्रतिनिधि बिनिता ज्युले नेपालमा १९६० मा कालाजार रोग देखा परेको जानकारी दिनुभयो हालसम्म संक्रमितहरु फेला परिरहेको उहाले बताउनुभयो ।
ज्वरो आउनु, वान्ता हुनु , मांशपेशी तथा जोर्नी दुख्नु जस्ता लक्षण भएका कालाजारको निदानको लागि सरसफाइमा ध्यान दिनुपर्ने, घरको चर्केको भित्तहरु टालिने गरि लिपपोत गर्नुपर्ने , शरीर ढाक्ने लुगा लगाउनुपर्ने , झुलको प्रयोग गर्नुपर्ने लगायतको कुरामा ध्यान दिनुपर्छ ।
स्वाथ्य निर्देशनलयका स्वाथ्य निर्देशन विजय कुमार झाको अध्यक्षतामा सम्पन्न उक्त अभिमुखीकरण कार्यक्रममा गौशाला नगरपालिकाका नगर प्रमुख डा.दिपेन्द्र महतो, मधेस प्रदेशका आपूर्ति व्यवस्थापन केन्द्रका निर्देशन डा.प्रमोद यादव ,प्रदेश जनस्वास्थ्य प्रयोगशालाका निर्देशक डा. श्रवन मिश्र, १२ वटै वडाका वडा अध्यक्ष महिला स्वयंसेविका लगायत नगरपालिकाको स्वास्थ्यशाखाका कर्मचारीहरुको उपस्थित रहेको थियो ।
