संयुक्त विद्याथी संगठनद्वारा आन्दोलनको घोषणा

निरन्जन साह    प्रकाशित: २०७९-६-५ गते   १३७८ पटक हेरिएको

निरन्जन कुमार साह

संयुक्त विद्याथी संगठनले संयुक्त रुपमा विरोध प्रदर्शन गर्ने भएको छ ।  नागरिकता विधेयक प्रमाणीकरण नगर्ने कदम असंवैधानिक कदम भएको भन्दै विरोध प्रदर्शन गर्न लागिएको संगठनले बुधबार पत्रकार सम्मलेन गरि जानकारी दिएको हो ।

प्रतिनिधि सभाबाट र राष्ट्रिय सभाबाट दुइ  पटक नागरिकता विधेयक पास गरेर पठाएपनि राष्ट्रपति विद्यादेवी भण्डारीले प्रमाणीकरण नगरेपछि उनको चौतर्फी विरोध भइरहेको छ ।

यसै क्रममा संयुक्त विद्याथी संगठनले पनि आन्दोलनका कार्यक्रम सार्वजनिक गरेका छन् ।

संयुक्त विद्यार्थी संगठनद्वारा अखिल क्रान्तिकारीका केन्द्रिय अध्यक्ष पंचा सिंह ,अनेरास्ववियुका केन्द्रिय  अध्यक्ष सुदेश पराजुली , समाजवादी विद्यार्थी युनियनका अध्यक्ष रमेश यादव ,नेवि संघका अध्यक्ष दुजांग शेर्पा ,समाजवादी विद्यार्थी युनियन संघका अध्यक्ष नेत्र चापागाई लगायतले संयुक्त आन्दोलन गर्ने घोषणा गरेका छन् ।

आन्दोलन ६ गते संयुक्त विरोध प्रदर्शन, कार्टुन प्रदर्शन ६ गते ९ बजे माइतीघर मण्डलामा ,७ गते ११ बजे सडक बहस कार्यक्रमद्वारा विरोध प्रदर्शन गर्ने अखिल क्रान्तिकारीका केन्द्रिय उपाध्यक्ष सुर्यनारायण साहले जानकारी दिएका छन् ।

© Copyright 2020 Nigarani Today. All rights reserved.
सस्तो नभई भरपर्दाे वेबसाईट बनाउन सम्पर्क : ९८०१०३५९०५
Design & Developed By : Journey For Tech