गृह मन्त्रि साहद्वारा सुधार गृह निरीक्षण

ममता शर्मा    प्रकाशित: २०७९-६-६ गते   २३५० पटक हेरिएको

ममता शर्मा 

गौशाला ,असोज ७ गते

मधेश प्रदेशका गृह तथा संचार मन्त्रि भरत प्रसाद साहले गौशाला नगरपालिका वडा न.८ बेल्गाछी स्थित निर्माणाधीन लागु औषध दुर्व्यसनी सुधार केन्द्रको निरीक्षण गरेका छन् ।

शुक्रबार गृह मन्त्रि साहले निरीक्षण गरेका सुधार गृहको निर्माण कार्य ७५ प्रतिशत सम्पन्न भएको मन्त्रालयका प्राविधिक इन्जिनियरले जानकारी दिए । सुधार गृह निर्माणको लागि १ करोड ५० लाख बजेट विनियोजन गरिएकोमा ८५ लाखमा टेन्डर परेको उनले बताए । एस. टि. कन्स्ट्रक्सनले यसको निर्माण जिम्मा लिएको हो । जसमा प्लास्टर ,तेश्रो तल्ला निर्माण कार्य भईरहेको छ । करिब ३ महिना भित्र निर्माण कार्य सम्पन्न हुने उनले बताए ।

अब केहि प्रतिशत मात्र काम गर्न बाकी रहेको यो सुधार गृह मन्त्रि साहले २०७८ साल माघ २७ गते शिल्यान्यास गरेका थिए । महोत्तरीमा लागु औषध सेवनकर्ता बढ्दै गएकोमा उक्त सुधार केन्द्रले कुलतमा फसेकालाई पुन : लागु औषध मुक्त जीवनमा फर्काउने अभिप्रायका साथ सुधार गृह खुल्न लागेको मन्त्रि साहले बताए । यस सुधार गृहको संचालन पश्चात लागु औषध दुर्व्यसन छोडाउन अन्य जिल्ला धाउने समस्या नरहने उनले बताए । आवश्यक परेमा थप बजेट यसको लागि विनियोजन गरिने र वेटिंग हल ,भान्छा घर ,बस्ने घर छुट्टै निर्माण हुने उनले बताए ।

साथै सुधार गृहको नाम सहिद शेखर स्मृति सुधार गृह रहने मन्त्रि साहले जानकारी दिए ।

© Copyright 2020 Nigarani Today. All rights reserved.
सस्तो नभई भरपर्दाे वेबसाईट बनाउन सम्पर्क : ९८०१०३५९०५
Design & Developed By : Journey For Tech