ममता शर्मा
गौशाला ,असोज १० गते
महोत्तरीको गौशालामा इलाका प्रहरी कार्यालय गौशालाले सरसफाई कार्यक्रम गरेको छ ।
गौशाला नगरपालिका वडा न.५ स्थित सरसफाई अभियान अन्तर्गत जल्पा माई मन्दिर ,दुर्गा मन्दिर ,निगौल चोकको दुर्गा मन्दिर ,राम जानकी मन्दिरमा सोमबार इलाका प्रहरी कार्यालय गौशालाको आयोजना र रेडियो जुनतारा १०३.४ मेगाहर्जको सहकार्यमा सरसफाई गरिएको छ ।
चाडपर्वहरु नजिकिए सँगै बजारमा फोहोरमैला बढेको तथा सरसफाई सम्बन्धि जनसमुदायमा सचेतना जगाउने उद्देश्यले सरसफाई गरिएको इलाका प्रहरी कार्यालयका प्रमुख तथा प्रहरी निरीक्षक रन्जन मिश्रले जानकारी दए ।
मिश्रले भने ,"हिन्दुहरुको महान चाड दशैँ ,दिपावली तथा छठ पर्व नजिकिएकोले बजार धेरै फोहोर र वातावरण दुषित हुने भएकोले हरेक नागरिकले आफ्नो कर्तव्य आफ्नो घर अगाडिको सरसफाई आफैले गरि स्वच्छ अभियान चलाउनुपर्छ । समाजका अगुवाहरु, संचार कर्मी ,सुरक्षा कर्मी ,नेपाल सरकारका कर्मचारीहरुले सार्वजनिक स्थल मठ मन्दिर ,पाटी पौवा ,मस्जिद जस्ता धार्मिक स्थलहरुमा कम्तिमा महिनामा एक पल्ट सरसफाई गर्नु जरुरि छ । अनि मात्र बन्छ स्वच्छ गौशाला ,हरियो गौशाला ।"
इलाका प्रहरी कार्यालय गौशालाका प्रमुख रंजन मिश्रको संयोजकत्वमा गरिएको सरसफाई कार्यक्रममा गौशाला नगरपालिका वडा न.५ क वडा अध्यक्ष ओम प्रकाश गुप्ता ,रेडियो जुनताराका संचालक निरन्जन कुमार साह ,रेडियोका सहकर्मीहरु र विभिन्न प्रहरी जवानहरुको सहभागिता रहेको थियो ।
