विद्यार्थी संगठन पदाधिकारीको बैठकद्वारा पुरानै पदाधिकारी ब्युँताउने निर्णय

रेडियो जुनतारा डेस्क    प्रकाशित: २०७७-१२-१२ गते   १२६२ पटक हेरिएको

चैत्र १२ 

नेकपा (माओवादी केन्द्र) समर्थित विद्यार्थी संगठन अनेरास्ववियू (क्रान्तिकारी) ब्युँतिएको छ । सर्वोच्च अदालतको फैसलापछि पुनर्जीवित भएको माओवादी केन्द्र निकट विद्यार्थी संगठन पदाधिकारीको बैठकले बिहीबार पुरानै पदाधिकारी ब्युँताउने निर्णय गरेको हो । 

यसअघि एमाले निकट अनेरास्ववियुसँगको एकताबाट एकीकृत संगठनको नाम अनेरास्ववियू रहेको थियोे । 

अनेरास्ववियू (क्रान्तिकारी) ब्युँतिएपछि पुरानै पदाधिकारी पनि पुनर्जीवित भएको छ। पुरानै पदाधिकारी पुनर्जीवित हुँदा अध्यक्षमा रञ्जित तामाङ , उपाध्यक्षमा सुरेन्द्र बस्नेत, दिपक देवकोटा, तिलकराज भण्डारी, विजय गौतम, पञ्चा सिंह, दिपेश पुन, इन्द्र भुषाल, रविकिरण यादव  र महासचिवमा उत्तम अधिकारी रहेका छन् ।

यसैगरी उपमहासचिवमा जीपी मैनाली र तुकमान महरा छन् । सचिवमा नरेश रेग्मी , पवन कार्की, मदन भट्टराई, सूर्यनारायण साह, क्षीतिज सापकोटा, नारायण खनाल, अम्मरराज शाही, राजकुमार लिम्बू, अच्युत भट्ट, गजेन्द्र देव, प्रविणा अधिकारी, मदन भुल र कोषाध्यक्षमा केशव रावल रहेका छन् ।

सुर्यनारायण साहको  अनुसार चैत्र १४ गते काठमाडौंमा केन्द्रीय कमिटीको  बैठक बस्दै छ । बैठकले नयाँ परिस्थितिमा संगठनले लिनुपर्ने थप योजना र कार्यक्रम ल्याउने उनको भनाइ छ । 

© Copyright 2020 Nigarani Today. All rights reserved.
सस्तो नभई भरपर्दाे वेबसाईट बनाउन सम्पर्क : ९८०१०३५९०५
Design & Developed By : Journey For Tech