गौशालामा अब रेबिज बिरुद्धको सुई नि:शुल्क: नगर प्रमुख महतो

5 वर्ष पहिले प्रकाशित

(2078-10-17 B.S.)

6639 पटक देखिएको

निरन्जन साह

गौशालामा रेबिज बिरुद्धको सुई नि:शुल्क भएको छ । महोत्तरी जिल्लाको गौशाला नगरपालिका बासिले अब नि:शुल्क रुपमा पाउने भएका छन् । स्वास्थ्य क्षेत्रमा विकासको फन्को मारेको गौशाला नगरपालिकाले अब यस्तो सुबिधा दिने भएको नगर प्रमुख शिवनाथ महतोले एक पत्रकार सम्मेलनमा जानकारी दिएका छन् ।

त्यस्तै स्वास्थ्य चौकी लक्ष्मीनियामा स्वास्थ्य चौकी रामनगरमा बर्थिंग सेवा संचालन भएको छ । डेंगु रोगको प्रकोपलाइ नियन्त्रण गर्नको लागि फोमिंग मेसिन खरिद गरि गौशाला बजार क्षेत्रमा स्प्रे गरिएको पनि जानकारी दिएका छन् ।

नगरपालिकाको वडा न.८ बेलगाछीमा खोप केन्द्र भवन निर्माण गरिएको ,वडा न.३,५,७,९,र १० मा आधरभूत स्वास्थ्य केन्द्र भवन निर्माण गरिएको ,कोभिड -१९ अस्थायी अस्पतालको लागि मेडिकल अधिकृत १ जना र स्टाफ नर्स १ जना करारमा भर्ना भएको ,प्राथमिक स्वास्थ्य केन्द्र गौशालामा क्षयरोग पत्ता लगाउने आधुनिक प्रविधि जिन एक्सपर्ट सेवा संचालन भएको समेत उनले जानकारी दिएका छन् ।

५ वर्षको अवधिमा यी कामहरु सम्पन्न भएको छ । त्यस्तै नगर प्रमुख शिवनाथ महतोले स्वास्थ्य क्षेत्रमा मात्र नभएर नगरपालिकाले अन्य क्षेत्रको विकासमा पनि उत्तिनै चासोको साथ कार्यहरु भएको जानकारी दिएका छन् । साथै उनले गौशाला नगरपालिकाका वासीलाइ स्वास्थ्य ,शिक्षा सुबिधा देखि लिएर कुनै पनि सुबिधामा कमि नगर्ने प्रतिबद्धता समेत व्यक्त गरेका छन् ।