गौशाला नगर पत्रकार संजालद्वारा मटिहानीका नगर प्रमुखलाई सम्मान

4 वर्ष पहिले प्रकाशित

(2079-02-25 B.S.)

5498 पटक देखिएको

ममता शर्मा

महोत्तरीको गौशाला नगर पत्रकार संजालद्वारा मटिहानी नगरपालिकाका नगर प्रमुखलाइ सम्मान गरिएको छ । नगर पत्रकार संजालका अध्यक्ष राम नारायण महतोको अध्यक्षतामा सम्पन्न उक्त कार्यक्रम प्रमुख अतिथि मटिहानी नगरपालिकाका नगर प्रमुख हरि प्रसाद मण्डल ,पत्रकार महेश दास लगायत नगर पत्रकार संजालको कार्य समितिहरुको सहभागिता रहेको थियो । कार्यक्रमको संचालन पत्रकार दिनेश महतोले गरेका थिए भने स्वागत मन्तव्य संजालका उपाध्यक्ष ममता शर्माले राखेकी थिइन् ।

गाइ गौशालाको विशेषता बोकेको यस नगरपालिकामा नगर पत्रकार संजाल गठन भएकोले नगरमा मात्र नभएर महोत्तरी जिल्ला भरिमै पत्रकारको संगठन बलियो हुने मटिहानी नपाका नगर प्रमुख मण्डलले बताएका छन् । नगरपालिकामा सूचना संदेश जनसमुदाय प्रति निस्वार्थ रुपमा प्रवाह गरेकोले पत्रकारहरुको आवश्यकता समाज परिवर्तनको आधार भएको मण्डलले दावी गरेका छन् ।

उनले भने ,"बिगतका समयमा पत्रकारहरुले गौशाला नगरपालिकामा अहम भूमिका निर्वाह गरेका छन् । हाल सम्मको स्थितिमा पनि विभिन्न समस्या तथा कठिनाइको बाबजुद पनि पत्रकारिता पेशा यहाँ अटल रुपमा रहेको छ । यसले पत्रकारहरुको एकतालाइ दर्शाएको छ । आगामी दिनमा पनि महोत्तरी जिल्लाका सम्पूर्ण नगरपालिका तथा गाउँपालिकाले पत्रकारको काधमा काध र हातमा हात मिलाएर हिड्नु जरुरि छ । यसले एक अर्काको परिपुरक सम्बन्ध बलियो रुपमा कायम हुन्छ।"