गौशालाको एक सहकारी संस्थामा कार्यरत एक युवतिमाथि जबर्जस्तिकरणी गर्ने प्रयास, आरोपी पक्राउ

समाज अपराध मुख्य समाचार

3 वर्ष पहिले प्रकाशित

(2079-05-02 B.S.)

19754 पटक देखिएको

Niranjan Kumar Sah

निरन्जन कुमार साह

गौशाला , भदौ २ गते

महोत्तरीको गौशालामा एक युवतिमाथि जबर्जस्तिकरणी गर्न प्रयास गर्ने एकजना पक्राउ परेका छन् । पक्राउ पर्नेमा गौशाला नगरपालिका वडा न.५ स्थित रहेको प्रभु बचत तथा ऋण सहकारी संस्थाका म्यानेजर शत्रोधन यादव रहेका छन् ।

उनलाई बिहिबार इलाका प्रहरी कार्यालय गौशालाले पक्राउ गरेको छ ।

मंगलबार यादवले संस्थामा कार्यरत आफ्नै कर्मचारी माथि जबर्जस्तिकरणीको प्रयास गरेका हुन् ।

सहकारीमा ड्युटीको समयमा करिब १८-१९ वर्षीय ति युवतिलाई खाता खोल्नुपर्ने कार्य छ भनि आफ्नो घरमा यादवले बोलाएका थिए । त्यस क्रममा यादवले ति युवतिमाथि जबर्जस्तिकरणी गर्ने प्रयास गरे तर युवतिले नमानेपछी उनिमाथि रहेको पेश्की बापतको १३ हजार ५ सय रकम मिनाहा गरिर्दिन्छु भन्दै लोभ प्रलोभन दिएपनि युवतिले मानेकी थिइनन् । युवतिले नमानेपछी यादवले हदै सम्मको जबर्जस्तिकरणी गर्ने प्रयास गरेको पिडितले बताइन ।

युवतीले आफु त्यहाँ बाट भागेर गौशाला इलाका प्रहरी कार्यालयमा उजुरी दिएकी थिइन् । घटना लगतै आरोपी यादव फरार भएका थिए ।

पिडितले आफु माथि जबर्जस्ति करणीको प्रयास गर्ने यादवलाई हदै सम्मको कारवाही हुनुपर्ने माग गरेकी छिन ।

प्रभु बचत तथा ऋण सहकारी संस्थाको यो घटना पहिलो घटना होइन ,नाम नभन्ने सर्तमा सहकारीका एक कर्मचरीले भने , "करिब १ वर्ष भित्रमा यस संस्थामा यादवले नै जबर्जस्तिकरणीको प्रयास गरेका ३ ओटा घटना घटिसकेको छ । हामी सम्पूर्ण कर्मचारी सहकारी बोर्डका सदस्यहरुलाई पटक पटक यादवको व्यवहारको बारेमा जानकारी गराउदै आएपनि कुनै सुनुवाई भएन ।"

बोर्डका अध्यक्ष सुनिता चौधरीले करिब १ वर्षभित्रमा यस्तो घटना ३ पटक यादवद्वारा घटेता पनि यादवलाई कारवाही गर्न असमर्थ रहेको बताइन । घटना घटे पश्चात पनि पिडित कर्मचारीहरु हालसम्म पनि काम गरिरहेकोले यादवमाथि कारवाही गर्न नसकिएको उनले प्रतिक्रिया दिइन् ।