मौषमी वर्षा नभएपछी महोत्तरीका किसान मर्कामा ( फोटो फिचर )

10 महीना पहिले प्रकाशित

(2080-11-30 B.S.)

5219 पटक देखिएको

ममता शर्मा

महोत्तरी ,श्रावण २० गते ।

असारे वर्षा नभएपछी किसानहरुको खेत बाँझो भएको कारणले गौशाला लगायत महोत्तरीका किसानहरु चिन्तित भएका छन् । असारमा वर्षा भएपछी खेतमा किसानहरु धान रोप्ने गर्दछन तर यसपाली वर्षा नभएपछी किसानहरु धान रोप्न पाएका छैनन् । वर्षमा एकचोटी फल्ने धान असारमा रोपेर मंसिरमा काट्ने गरिन्छ तर यसपाली पानी नपरेपछी श्रावण मसान्त सम्मपनि खेत बाँझो नै रहेको सोनमा गाउँपालिका -७ सुन्दरपुर निवासी राजेश्वर यादवले बताए ।

“मेरो खेत गौशाला नगरपालिका वडा न.७ मा करिब २ विघा छ, यादव भन्छन , “पानी नपरेपछी बिउहरु पनि सुकेर गएको छ । यो खेतबाट मैले करिब सय मन धान उब्जाएर घरपरिवार चलाएर छोराछोरीको पढाई लेखाइ समेतको खर्च चलाउने गरेको छु । तर यसपाली पानी नपरेकाले पढाई लेखाइ लगायत घरपरिवारको छाक टार्न निकै धौधौ परेको छ। चुनावको बेला हामीलाइ मेयरले ठुलो ठुलो सपना देखायो खेत्खेतमा तार पोल , बोर्डिंग सिचाईको व्यवस्था गर्दिन्छु भनेर भन्यो तर अहिले सबै किसान पानी नपरेर मर्कामा परेपनि वास्ता छैन ।"

आकाशेपानी नभएपछी खेतमा मात्र नभएर पिउने पानीको समेत समस्या भएको गौशाला -७ मनहर्वा निवासी रामतोला यादवले बताइन ।

त्यस्तै गौशाला -७ निवासी विक्रम साहले एक महिना देखि आफ्नो कल नै सुकेपछी खानेपानीको समस्या भोग्नुपरेको गुनासो गरे । कल सुकेपछि टाढाको कलबाट पानी ल्याउनुपर्ने बाध्यता भएको बताए । यसपालि पानी नपरेपछी हामीहरुको रोजी मजदुरी पनि घटेको र त्यसले घर परिवार चलाउन मुस्किल परेको समेत उनले बताए ।

(तस्विर : सुकेको कल चलाउदै गरेका विक्रम साह , ममता शर्मा )

यस सम्बन्धमा जिल्ला प्रशासन कार्यालयका प्रमुख दिपक कुमार पहाडीले खानेपानी तथा सिचाईको व्यवस्थापनको लागि सम्बन्धित निकायलाइ पहल गरिरहेका बताए । पुराना भएका बोर्डिंगहरुलाई चलायमान अवस्थामा ल्याउनुपर्ने तथा गैर सरकारी संस्थाबाटपनि विभिन्न कार्यक्रम गर्नुपर्ने उनको भनाइ छ । “जिल्ला प्रशासन कार्यालय संग आफै स्रोत साधन छैन । हामीले गएर व्यक्तिगत कल गाड्न मिल्दैन तर सार्वजनिक स्थानमा कलको व्यवस्थापन गर्ने योजना तत्काल लागु गर्ने गरि तयारिमा लागेका छौ” उनले भने ।