प्रदेश २ सरकारको आगामी आर्थिक वर्ष २०७७।०७८ को नीति तथा कार्यक्रम बहुमतले पारित

6 वर्ष पहिले प्रकाशित

(2077-02-32 B.S.)

1491 पटक देखिएको

जनकपुरधाम, असार १ गते ।

प्रदेश २ सरकारको आगामी आर्थिक वर्ष २०७७।०७८ को नीति तथा कार्यक्रम बहुमतले पारित भएको छ । आइतबार बसेको चौथो अधिवेशनको १० औं बैठकबाट प्रदेश सरकारको आगामी वर्षको नीति तथा कार्यक्रम बहुमतले पारित भएको हो ।

गएको जेठ २५ गते प्रदेशसभा बैठकमा प्रदेश २ प्रमुख तिलक परियारले अगामी आ.व.को नीति तथा कार्यक्रम प्रस्तुत गरेका थिए ।

मुख्यमन्त्री लालबाबु राउतले आ.व. २०७७।०७८ को नीति तथा कार्यक्रम सदनमा पेश गरेका थिए ।
प्रमुख प्रतिपक्षी नेपाली काँग्रेस र प्रतिपक्षी नेकपाका दलले नीति तथा कार्यक्रममा संशोधन प्रस्ताव दर्ता गराएका थिए । काँग्रेस तथा नेकपाका सांसदहरु सदस्यहरु बाबुलाल साह,दिलिप कुमार साह, शिवचन्द्र चौधरी,गोविन्द बहादुर न्यौपाने,रुबी कुमारी कर्ण, नरेश कुमार यादव,सुन्दर बहादुर विश्वकर्मा र सिता गुरुङ्गलगायतकाले संशोधन प्रस्ताव पेश गरेका थिए ।

उक्त सबै संशोधन प्रस्ताव बहुमतले अस्विकृत भएपछि सभामुख सरोज कुमार यादवले बहुमतबाट नीति तथा कार्यक्रम पारित भएको घोषणा गरेका छन् । प्रदेशसभाका अर्को बैठक सोमबार साँझ ५ बजेसम्मको लागि स्थगित भएको हो । सोमबार प्रदेशसभामा प्रदेश सरकारले अगामी आर्थिक वर्ष २०७७।०८८ को बजेट प्रस्तुत गर्ने कार्यसूचि रहेको छ ।