अथक प्रयासपछी गौशालामा ६ लाख ३६ हजार चोरी गर्ने चोर पक्राउ

समाज अपराध मधेश प्रदेश मुख्य समाचार

2 वर्ष पहिले प्रकाशित

(2080-07-01 B.S.)

26090 पटक देखिएको

Niranjan Kumar Sah

निरन्जन कुमार साह

महोत्तरी , कार्तिक १ गते

महोत्तरीको गौशालामा ६ लाख ३६ हजार रकम चोरी गरेको आरोपमा एकजना पक्राउ परेका छन् । पक्राउ पर्नेमा सर्लाहीको मलंगवा नगरपालिका वडा न.५ बस्ने २९ वर्षीय रमेश सहनी हुन् ।

गौशालामा गत असोज ७ गते आइतावार दिउसो करिब साढे ३ बजे गौशाला नगरपालिका वडा न.११ भरतपुर निवासी करिब ६५ वर्षीय शम्भु महतो र उनकी श्रीमती सुरजकला देवी महतोको पैसा गौशाला बीच बजारमै लुटपाट भएको थियो ।

ओखलढुंगाबाट आफन्तले पठाएको पैसा एनआइसी एसिया बैंकबाट निकालेर घरतिर जाने क्रममा हाइ कुल नजिक सुरजकला देवीको हातबाट उक्त रकम खोसेर रमेश सहनी भागेका थिए ।

इलाका प्रहरी कार्यालय गौशालाका प्रहरी निरीक्षक मनोज यादवको कमाण्डमा खटेको टोलीले बुधबार दिउसो सर्लाहीको हरिपुर्वा नगरपालिका वडा न. ७ को सिमानामा रमेशलाई फेला पारि पक्राउ गरेको हो । पक्राउ परेका सहनीलाई कार्यालयमा ल्याई थप अनुसन्धान भइरहेको मनोज यादवले जानकारी दिए ।

प्रहरीले अहोरात्र खटेर चोरलाई समात्न आज सफल भएको यादवले बताए । उनले भने , "जनसमुदायको समस्या समाधान गर्नको लागि हामी दिनरात खटिरहेका हुन्छौ । चोरलाई समात्नको लागि गौशाला लगायत सर्लाहीका प्रहरीले पनि सहयोग गरेका छन् ।"