सोनमा गाउँपालिकामा खाद्य तथा पाेषण सुरक्षा सुधार आयाेजना सम्बन्धि अन्तरक्रिया कार्यक्रम सम्पन्न

3 वर्ष पहिले प्रकाशित

(2080-10-25 B.S.)

900 पटक देखिएको

माघ २५ गते

निरन्जन कुमार साह , महोत्तरी

महाेत्तरीकाे साेनमा गाउँपालिकामा बुधबार खाद्य तथा पाेषण सुरक्षा सुधार आयाेजना सम्बन्धि अभिमूखिकरण तथा अन्तरक्रिया कार्यक्रम सम्पन्न भएको छ।

खाद्य तथा पाेषण सुरक्षा सुधार आयाेजना - दाेश्राे अन्तरर्गत साेनमा गाउँपालिकामा संचालन हुनलागेको हाे। विशेषगरी लक्षित वर्गलाई समावेश गरि कार्यक्रम भूकम्प र बाढी पिडित, खाद्य असुरक्षित , विपन्न, सिमान्तकृत दलित र महिलालाई सहभागिता गरिने आयाेजनाका निर्देशक जगनाथ तिवारीले बताउनुभएको छ।

पालिका भित्र कृषि तथा पशुजन्य उत्पादन र उत्पादकत्वमा बृद्धि गरी खाद्य सुरक्षामा सहयोग जलवायु तथा पाेषण मैत्री कृषि प्रविधिकहरुकाे अनुसरण र प्रसार त्यसतै साना कृषकहरुकाे क्षमता अभिवृद्धि उत्पादन तथा आयआर्यजन र विविधिकरण प्रबर्द्वन गरि बजारमा पहुँच बनाउने साथै सुनाैला हजार दिनका आमाहरु ६-२४ महिना सम्मका बच्चाहरुकाे पाेषण स्थितिमा सुधार ल्याउने कार्यक्रमकाे उदेश्य रहेको निर्देशक तिवारीले बताएउनुभयाे। पालिकामा खाद्य तथा पाेषण सुरक्षा सुधार आयाेजना कार्यक्रम संचालन भएपछि पालिका भित्रकाे भूकम्प र बाढी पिडित,खाद्य असुरक्षित ,विपन्न,सिमान्तकृत दलित महिलाहरुलाई ठूलो मद्दत पुग्ने बिश्वास लिएको पालिका प्रमुख बिशेश्वर प्रसाद यादवले बताउनुभयो ।

आयाेजना क्लष्टर इकाई प्रमुख युगल किशोरका अनुसार पहिलो चरणकाे कार्यक्रम पालिकाकाे वडा- ३ रधुनाथपुरमा संचालन गरिने छ। कार्यक्रममा उप प्रमुख जहिदा खातुन,प्रमुख प्रशासकीय अधिकृत तथा ८ ओटै वडाको वडा अध्यक्षहरु सहभागी रहनुभएकाे थियोे ।