गौशाला ट्राफिकले गर्यो दुर्घटना न्यूनीकरणको लागि कक्षा संचालन

1 वर्ष पहिले प्रकाशित

(2080-11-21 B.S.)

794 पटक देखिएको

निरन्जन कुमार साह

महोत्तरी , फाल्गुन २१ गते

सवारी दुर्घटना न्यूनीकरणको लागि महोत्तरीको गौशाला ट्राफिकले विद्यालयहरुमा जनचेतनामुलक कक्षा संचालन गरेका छन् । आइतबार महोत्तरीको गौशाला नगरपालिका वडा न. ३ स्थित नवराजपुरमा रहेको श्री राष्ट्रीय माध्यमिक विद्यालयमा कक्षा संचालन गरको ट्राफिक प्रहरी कार्यालय गौशालाका प्रहरी नायव निरीक्षक सुनिल जंग शाहले बताए ।
सवारी दुर्घटनामा सबभन्दा बढी विद्यार्थीहरु पर्ने भएकोले यो कार्यक्रम कक्षा ९ र १० को विद्यार्थीहरुसँग स्कुलहरुमा गर्नुपर्ने आवश्यकता रहेको प्रहरी निरीक्षक शाहको भनाइ छ । उनले भने , " ट्राफिकको नियम पालना कसरि गर्ने , गाडी कसरि चलाउने सन्दर्भमा प्रोजेक्टरको माध्यमद्वारा देखाई कक्षा संचालन गरिएको थियो ।

वर्तमान समयमा युवाहरु लागू औषधको कुलतमा बढी पर्ने गरेका छन । झन सम्सी नाकाबाट त्यसको ओसारपसार र प्रयोग झन बढी हुने गरेकोले निगरानी बढाइएको हो । साथै सवारी साधन चलाउने क्रममा मानिसहरुले अपनाउने असावधानीको कारण हुने गरेको दुर्घटना न्यूनीकरण गर्नको हामी यो कक्षा संचालन कार्य गरेको छौं ।"

साथै यसको लागि जनसमुदायले पनि सहयोग गर्नु आवश्यक रहेको र एकल प्रयासले मात्र यो सम्भव नहुने उनको भनाई छ ।