गौशालामा पुर्व मन्त्री साहद्वारा स्वास्थ्य भवनको शिलान्यास

1 वर्ष पहिले प्रकाशित

(2080-12-22 B.S.)

1623 पटक देखिएको

निरन्जन कुमार साह

महोत्तरी , चैत्र २२ गते

महोत्तरीको गौशाला नगरपालिकामा स्वास्थ्य भवनको बिहिवार शिलान्यास भएको छ । मधेश प्रदेशका सांसद तथा पुर्व गृह तथा संचार मन्त्री भरत प्रसाद साहले गौशाला नगरपालिकाको दुई स्थानमा स्वास्थ्य चौकीको भवनको शिलान्यास गर्नुभएको छ ।

बिहिवार गौशाला नगरपालिका वडा न. ३ र वडा न. १ मा गरि दुई ठाउँमा स्वास्थ्य चौकी भवनको शिलान्यास भएको छ । मधेश प्रदेश सरकारको नीति तथा योजना कर्यक्रम २०८०-२०८१ को बजेट अनुसार दुवै ठाउमा २५/२५ लाख बजेट बिनियोजन गरिएको थियो । उक्त बजेटमा भवन निर्माण हुन लागेको नेता श्री किशोर साहले जानकारी दिनुभयो ।

आधारभूत स्वास्थ्य भवनका लागि मन्त्री साहले आफ्नो पहलमा मधेश प्रदेश सरकारबाट गौशाला नगरपालिकाको स्वास्थ्य चौकी भवनको लागि यो बजेट माग गरिएको जानकारी दिनुभयो । गौशाला नगरपालिकाको अधिकांस वडामा स्वास्थ्य चौकी भवनको अभाव रहेकोले बनाउनु पर्ने जरुरि देखिएको उहाँले बताउनुभयो । जनताको स्वास्थ्य सम्बन्धि समस्याको सहज समाधानको लागि स्वास्थ्यलाई प्राथमिकतामा राखिएको उहाँको भनाई रहेको थियो ।

स्वास्थ्य चौकी भवनको शिल्यान्यासमा मधेश प्रदेशका सांसद तथा पुर्व गृह तथा संचार मन्त्री भरत प्रसाद साह ,गौशाला नगरपालिका वडा न. ३ का वडा अध्यक्ष बिरेन्द्र चौधरी , वडा न. १ का वडा अध्यक्ष नबिन कुमार साह , श्री किशोर साह लगायत जनसमुदायको उपस्थित रहेको थियो।