गौशाला बजारमा दिनदहाडै गाइको तस्करी भएपनि सम्बन्धित निकाय मौन छ

गौशाला बजारमा दिनदहाडै गाइको तस्करी भएपनि सम्बन्धित निकाय मौन छ – अध्यक्ष गुप्ता

6 महीना पहिले प्रकाशित

(2081-03-11 B.S.)

776 पटक देखिएको

जुनतारा संवाददाता

महोत्तरी , असार १० गते

महोत्तरीको गौशाला बजारको गोरु बजारमा गाईहरुको अव्यवस्थित तरिकाले खरिद विक्री भैरहेको छ । व्यापारीहरुले बाहिरबाट गाइहरु किनेर र गौशाला बजारबाट सिमा परि बेचबिखन गर्ने उद्देश्यले ल्याउने गर्छन । किनबेचका निम्ति राखिएको गाइलाई व्यापारीहरुले खानपिउन नदिएपछी गाइहरु मर्ने गर्दछन । सोमबार गौशालामा बजारको दिन एक व्यापारीले गाइलाइ ल्याएर खानाबिना मरणासन्न अवस्था भएपछी गाइलाइ बजारमै छोडेर भागेका थिए । जनसमुदाय भेला भएपछी व्यापारी भागेको महिला अधिकारकर्मी लिला दियालीको भनाइ छ । पछी उनले चिकित्सक बोलाइ उपचार गर्ने क्रम गाइको मृत्यु भएको बताइन ।

गौशाला बजारमा प्रहरी प्रशासनले गर्नुपर्ने निगरानी नगरेको कारणले यस्ता कति गाइहरु अलपत्र पर्ने र तस्करी समेत हुने गरेको उनले बताईन । त्यस्तै गौशाला नगरपालिका वडा न.५ का वडा अध्यक्ष ओमप्रकाश गुप्ताले नगर प्रहरी प्रशासनको लापरवाहिले यस्ता घटनाहरु हुने गरेको बताए । गाइ मरेको घटना मात्र होइन गौशाला बजारबाट दिनहु ठेकेदारको मिलोमतोमा गाइहरुको तस्करी भइरहेको बताउदै अध्यक्ष गुप्ताले यसमा सम्बन्धित निकाय नगर प्रहरी , उद्योग वाणिज्य संघ , गौशाला नगरपालिकाले आवश्यक चासो लिनुपर्ने बताए ।

गौशाला उद्योग वाणिज्य संघका उपाध्यक्ष देव महतोले नगरपालिकाले बजार ठेक्का लगाएकोले पालिकाले नै चासो राख्नुपर्ने बताउदै आफ्नो जिम्मेवारी नभएको बताए ।