खोलाको अवैध उत्खनन रोक्न्न गौशालाको नगरप्रमुख महतोद्वारा अनुगमन

मधेश प्रदेश मुख्य समाचार

12 महीना पहिले प्रकाशित

(2081-04-10 B.S.)

498 पटक देखिएको

Niranjan Kumar Sah

निरन्जन कुमार साह

गौशाला , साउन १० गते

गौशाला नगरपालिका अन्तर्गत पर्ने खोलाहरुको अवैध उत्खनन न्यूनीकरण गर्न गौशाला नगरपालिका द्वारा गौशालाका नगरप्रमुख डा. दिपेन्द्र महतोको संयोजकत्वमा प्राबिधिक टोली सहित अनुगमन तथा निरीक्षण थालिएको छ  । बिहिबार गौशाला नगरपालिका १२ बाके खोला देखि अनुगमन र स्टोक प्रमाणित गर्न थुपारेको बलुवा गिट्टीलाई नाप्ने काम सुरु गरिएको हो  ।

अनुगमन गर्दै नगर प्रमुख महतोले नगर भित्र रहेको सम्पूर्ण क्रसरमा भएको कच्चा मेटेरियललाई क्रसर उद्योगीले स्टोक प्रमाणित गराउनु अनिवार्य रहेको बताए  । उनले भने , “प्रत्यक वर्ष जेष्ठ मसान्तमा खोला उत्खनन बन्द हुने भएकोले यस वर्ष पनि बन्द भइ अब आउने बालुवा गिट्टी कहाँबाट ल्याउंछ र स्रोत र बिल अनिबार्य चाहिन्छ  । अब जुन क्रसरले नियम पुर्वक काम गर्दैन त्यो क्रसर उद्योगीलाइ कारवाहीको प्रक्रियामा ल्याउने उदेश्यले यो नाप्ने काम सुरु गरिएको छ ।”

साथै नियम नीति पुर्वक जो क्रसर संचालन हुन्छ त्यो मात्र अब संचालनमा रहने बताउदै अव्यवस्थित रुपमा संचालन भएका क्रसर बन्द गर्ने र व्यवस्थित प्रक्रियाबाट अनलाइन ठेक्का लगाउने उनले बताए ।

गौशाला नगरपालिका र सर्लाहीको इश्वरपुर नगरपालिकाको सिमानामा पर्ने बाँके खोला एक /एक बर्ष गरि दुवै पालिकाले ठेक्का लगाउने प्रचलन थियो । तर अब आफ्नो आफ्नो क्षेत्रको प्रत्यक वर्ष आफै ठेक्का लगाउने समेत उनले जानकारी गराए ।

यो वर्षमा नगरपालिकाले निगरानी बढाउने र कानुन विपरित कसैले खोला उत्खनन गर्न नपाउने भन्ने प्रतिबद्धता नगरप्रमुख महतोले व्यक्त समेत गरे ।