गौशालामा विद्यालयमै भयो चोरी , प्रहरी बेखबर

समाज मधेश प्रदेश मुख्य समाचार

8 दिन पहिले प्रकाशित

(2081-07-19 B.S.)

1019 पटक देखिएको

Niranjan Kumar Sah

निरन्जन कुमार साह

गौशाला , कार्तिक १९ गते

महोत्तरीको गौशालामा गएराति एक निजि विद्यालयमा चोरी भएको छ । गौशालाको निगौल चौक देखि करिव २०० मिटर उत्तरमा रहेको ओम ब्राइट फ्युचर इंगलिश बोर्डिंग स्कुलमा चोरी भएको हो ।

ओम ब्राइट फ्युचर इंगलिश बोर्डिंग स्कुलका संचालक संतोष कुमार साहका अनुसार करिव साझ ७ बजे तिर चोरी भएको थियो । चोरी भएको करिब एक घण्टा पछी उनले थाहा पाएका थिए चोरले नगद २ लाख , सुन जम्मा ४ तोला , चाँदी २५ तोला चोरेर लगेको उनले जानकारी दिए । साहले सोमबार आफुहरु कार्य विशेषले जनकपुर गएको मौका छोपेर चोरी भएको बताए ।

गौशालामा चोरी हुँदा पनि प्रहरी बेखबर भएका छन् । चोरी भएपछी गौशाला प्रहरी कार्यालयमा फोन गर्दा नउठाउने र उठाए पछी एक घण्टा पछी आउने गुनासो साहले गरे । गौशाला इलाका प्रहरी कार्यालय गौशालामा प्रहरी निरीक्षक सुर्य बहादुर राणा आएको दिन देखि चोरी चपाटी धेरै बढेको गुनासो जनसमुदायको छ ।

यसरि गौशालामा प्राय चोरी घटना हुँदा प्रहरीले उचित निगरानी र सुरक्षा दिन भने सकेका छैनन् ।यहाँका व्यापारीहरुको बजारमा चोरीको घटनाले आफु असुरक्षित भएको महसुस गरेका छन् । जनसमुदायको लागि प्रहरी प्रशासन भएपनि गौशालाका प्रहरीहरु स्फुर्त नरहेको जनसमुदायको गुनासो रहेको छ ।

प्रहरीले भारतबाट गैरकानुनी रुपमा समान ल्याउनेहरुसँग पैसा उठाउने जस्ता कार्यहरु मात्र गर्ने गरेको जन गुनासो रहेको छ ।