गौशाला नगरपालिकामा भएको बगर खेतिमा गाजा खेति (भिडियो सहित)

5 वर्ष पहिले प्रकाशित

(2078-01-19 B.S.)

9585 पटक देखिएको

बैशाख १९ ,गौशाला

महोत्तरीको गौशाला नगरपालिकाले केहि महिना अगाडीदेखि युएनडिपी र गौशाला नगरपालिकाको साझेदारीमा गौशाला - ८ स्थित सोनी खोलाको पेटीमा गरेको बगर खेति संचालनमा रहेको छ । जुन बगर खेतीमा किसानहरुले करेसा बारीको खेति गरिरहेका छन् त्यसमा एक किसन केदार राउत कुर्मिले गाजा खेति गरिरहेका छन् ।

गौशाला नगरपालिकाले गरिव तथा विपन्नहरुको आर्थिक स्तर उठाउन बगरको जग्गालाई उपयोगमा ल्याएको हो । स्थानीय सरकारले कोरोनाबाट रोजगारी गुमाएका गरिबहरुको जीवन रक्षाका लागि बगरको जग्गा वितरण गरेर करेसा खेती तथा फलफूल खेतीमा प्रेरित गरेको बगरलाई बगैंचा बनाउने अभियान चलाइएको थियो तर सो अभियानलाई किसानहरुले दुरुपयोग गरेको पाइएको छ । सो बगरमा करिब ४ कठ्ठामा केदार राउत कुर्मिले खेती गरेका छन् । त्यसमै उनले गाजा रोपनी पनि गरेका छन् । उनका अनुसार, "सरकारले दिएको जग्गामा करेसा खेति गरेर मात्र खान कहा पुग्छ र त्यसैले हामी ३ हजारको किलोमा बियु किनेर गाजा खेति गरिरहेका छौ।"

आज गौशाला इलाका प्रहरी कार्यालयबाट सो गाजा नष्ट गर्न खटिगएका टोलिले सो कार्य गैरकानुनि भएको भनेर प्रश्न गर्दा जवाफमा कुर्मीले भन्छन् "मैले आज यसलाई रोपेको हैन ,महिनौ देखि यी गाजाका बिरुवाहरु रोपिएको हो । वडा न.८ का वडा अध्यक्ष र गौशाला न.पा.का मेयरले कयौ पल्ट आएर हेर्दा पनि केहि भन्नुभएको थिएन । तर तपाइँहरु किन यसलाई नष्ट गरिरहनु भएको छ । तपाईहरु बादर हो, 'न आफ्नो घर रहनदिनु हुन्छ नत अरुको घर नै' भन्दै कुर्मीले प्रहरी र संचारकर्मी माथि आक्रोश पोखेका छन् ।

केहि दिन अगाडी मात्र गौशाला नगरपालिकाको बगरखेति चर्चामा आएको थियो । तर गाजाको बोट देखेर महिनौ अगाडी सो बिरुवा लगाइएको प्रष्ट देखिएको छ । स्थानीय जनप्रतिनिधिहरु पटक पटक भ्रमण गर्न पुगेको संचारमाध्यममा पनि आएका छन् । यसले गर्दा गैरकानुनि कार्यमा स्थानीय जनप्रतिनिधिहरुले चासो नलिएको कुरा पनि प्रष्ट हुन पुगेको छ ।

हेर्नुहोस् भिडियो