कोरोना संक्रमण दर घट्दै सर्लाहीमा

5 वर्ष पहिले प्रकाशित

(2078-02-31 B.S.)

2528 पटक देखिएको

जेष्ठ ३१ ,सर्लाही

राजिव साह

सर्लाहीमा कोरोना भाइरसको संक्रमण दर विस्तारै घट्दै गएको छ । संक्रमित भएका व्यक्तिहरु निको हुँदै गएको जिल्ला प्रशासन कार्यालय सर्लाहीले जनाएको छ । जिल्ला प्रशासनको तथ्यांक अनुसार सर्लाही जिल्लामा दोस्रो भेरियन्टको संक्रणबाट जेठ २९ गते शनिवारसम्म २ हजार ८२ जना संक्रमित भएका छन् । तीमध्ये ९ सय ६९ जना संक्रमणमुक्त भई निको भएका छन् ।

जिल्ला प्रशासन कार्यालयबाट प्रकाशित कोभिड -१९ सम्बन्धि दैनिक बुलेटिन अनुसार शनिवारसम्म ७८ जना संक्रमितहरुको मृत्यु भइसकेको छ ।जिल्लामा अहिले १ हजार ३३ जना कोरोनाको सकृय संक्रमित रहेका छन्। पछिल्ला दिनमा मृत्युदर घट्दै गएको कार्यालयले जनाएको छ ।

जिल्लामा भन्दा बाहिर मृत्यु हुनेको संख्या धेरै रहेको सहायक प्रमुख जिल्ला अधिकारी भुमिश्वर पोखरेलले बताएका छन् । यहाँका अधिकांश सक्रमितहरु आ-आफ्नो घरमा होम आइसोलेसनमा बसिरहेको स.प्र.जि.अ पोखरेलले बताएका छन् । हाल जिल्लाको सदरमुकाम मलंगवा वडा न-२ कृष्णा चौक स्थित नर्सिङ कलेजमा १६० शैयासहित लालबन्दी, हरिवन, ईश्वरपुर, बरहथवा लगायतका नगरपालिकामा गरि जम्मा ३६० शैयाको आइसोलेसन संचालनमा रहेको कार्यालयले जनाएको छ । नयाँ भेरियन्टसहित दोस्रो चरणमा कोरोना संक्रमण फैलिए यता सर्लाहीमा ३ हजार २ सय ९३ जनाको पीसीआर परीक्षण गर्दा १ हजार ९६७ र ४ सय ३८ जनाको एन्टिजेन परीक्षण गर्दा ११५ जनामा कोरोना संक्ण पुष्टी भएको छ ।

सर्लाहीमा ५९ हजार ५०३ जनाले कोभिड सिल्ड खोपको पहिलो मात्रा लगाएका छन् भने ६ हजार ४३ जनाले कोभिड सिल्ड खोपको दोस्रो लगाएका छन् । यस्तै २ हजार ७७ जनाले भेरोसेल खोपको पहिलो मात्रा लगाइसकेको जिल्ला प्रशासन कार्यालयले जनाएको छ । पीसीआर परिक्षण मलंगवा स्थित जिल्ला अस्पतालमा हुँदै आएको छ भने विभिन्न पालिकाले स्थानीयस्तरमै एन्टिजेन परीक्षण गर्दै आइरहेका छन् ।