मगरथानाको प्रहरी चौकीको अवस्था यस्तो ,सम्बन्धित निकाय मौन

5 वर्ष पहिले प्रकाशित

(2078-03-11 B.S.)

4616 पटक देखिएको

असार ११ ,मगरथाना

ममता शर्मा

महोत्तरीको सोनमा गाउपालिका वडा न.६ मगरथाना स्थित रहेको प्रहरी चौकीमा सम्बन्धित निकायबाट प्राप्त हुने सेवा सुबिधाहरुको कमि देखिएको छ । बिभिन्न सरसामाग्रीहरुको कमि भएको प्रहरी जवान राजेश राइले गुनासो गरेका छन् ।

प्रहरीलाइ स्थानीय सरकारले उपलब्ध गराउनुपर्ने सुबिधाहरुको निकै अभाव रहेको छ , उनले भने "चौकीमा कुर्सि ,फर्निचर ,टेबल ,समान राख्न दराज केहि पनि छैन ।

स्थानीय स्तरमा पंचैती गर्नको लागि सबैलाइ भुइँमै बसाएर गर्नुपरेको छ । चौकीमा भर्याङ्ग पनि छैन जसले गर्दा कठिनाइ भइरहेको छ ।"

सोनमा गाउपलिकाको वडा न.६, ७, ८ र गौशालाको वडा न.७ स्थानीय समेटेर कार्य उक्त प्रहरी चौकीले गर्दै आएको उनले बताएका छन् ।

प्रहरी चौकीको वरपर कम्पाउण्ड पनि नभएको र प्रमुख ढोका पनि नभएको उनले बताएका छन् ।

असई सहित ६ जना प्रहरी कार्यरत उक्त प्रहरी चौकीमा वाईफाई पनि नभएकोले अनलाइन सम्बन्धिको काम आफ्नै लागतमा गर्ने गरेको दुखसो उनले पोखेका छन् । त्यस्तै गाडी (यातायात )को पनि सुबिधा छैन गाउमा कार्यको लागि हिडेरै जानुपर्ने अवस्था रहेको छ । उनले भने त्यति मात्र नभएर विपद व्यवस्थापनमा काम लाग्ने ( पानी बुट ,डोरी ,बाल्दीन ,बेल्चा ) कुनै पनि सामग्री छैन ।

झ्यालहरुमा जालि पनि नभएकोले लामखुट्टे र विषालु किराफट्यांग्राको डर पनि हुन्छ र कहिले काही त सर्प पनि भित्र छिर्ने गर्दछन ।"

स्थानीय निकायमा यसको लागि पटक पटक पहल गरेपनि कुनै चासो नलिएको उनले गुनासो गरेका छन् । हाम्रो समस्या बुझ्ने समेत प्रयास गरेका छैनन् भनेर उनले भनेका छन् ।