जिज्ञासा कार्यक्रमको बिजेता भए धर्मेन्द्र यादव

5 वर्ष पहिले प्रकाशित

(2078-04-30 B.S.)

3428 पटक देखिएको

श्रावन ३० ,गौशाला

आज रेडियो जुनतारा १०३.४ मेगाहर्जबाट हप्ताको एकदिन शनिवार प्रसारण हुने कार्यक्रम जिज्ञासाको बिजेता धर्मेन्द्र यादव भएका छन् ।

सोनमा गाउपालिका वडा न.८ शिवनगर बस्ने धनिपत यादव र पुनम यादवका छोरा धर्मेन्द्र यादव (लोकसेवा तयारि ) ले आज रेडियो जुनताराको कार्यक्रम जिज्ञासामा रेडियोमा प्रत्यक्ष उपस्थित भइ कार्यक्रममा सोधिएका प्रश्नहरुको उत्तर दिएर बिजेता भएका छन् ।

रेडियो जुनताराको अध्यक्ष श्री निरन्जन कुमार साह ज्युको हातबाट धर्मेन्द्र यादवले सोधिएको पन्ध्र प्रश्न मध्य ३ प्रश्नको उत्तर दिएर नगद रु ५०० र प्रमाण पत्र प्राप्त गरेका छन् ।

रेडियो जुनतारामा प्रत्येक हप्ताको शनिवार जिज्ञासा कार्यक्रम मार्फत श्रोताहरुलाई सामान्य ज्ञान सम्बन्धि प्रश्नोत्तर सोधिने र सहि उत्तर दिने बिजेताहरुलाई महिनाको अन्तिम शनिवार रेडियोमा उपस्थित गराई प्रश्नोत्तर गरि बिजेता हुनेलाई प्रमाण पत्र सहित उल्लेखित नगद प्रदान गरिने यो कार्यक्रमलाइ यस महिना देखि परिमार्जन गरिएको छ ।

जसमा सोधिएका प्रश्नहरुमध्य १ देखि ३ सम्मको सहि उत्तर दिने रु. ५००,४ देखि ७ सम्मको सहि उत्तर दिनेलाइ रु.१००० ,८ देखि ११ सम्मको सहि उत्तर दिनेलाइ रु.१५०० र १२ देखि १५ सम्मको सहि उत्तर दिनेलाइ रु.५००० रकम र संयुक्त रुपमा प्रमाण पत्र प्रदान गरिने भएको छ ।

धर्मेन्द्र यादव पनि उल्लिखित सर्तअनुसार पुरस्कृत भएका हुन् ।

त्यस्तै कार्यक्रमकोको बारेमा बोल्दै बिजेता यादवले भने “’यस कार्यक्रमले विद्यार्थी तथा लोक सेवा आयोगको लागि तयारि गरिरहनु भएका व्यक्तिहरुलाइ महत्वपूर्ण सहयोग पुर्याएको छ । "

जसले समाजमा जनचेतना सँगसँगै मानसिक वृद्धिमा पनि विकास गर्न मदत गरको छ रेडियो जुनतारालाई धन्यबाद ज्ञापन गर्दै उनले पुरस्कार प्रति खुसि र आभार व्यक्त गरेका छन् ।