जिज्ञासा कार्यक्रमको बिजेता भए कमलेश कुमार मण्डल

5 वर्ष पहिले प्रकाशित

(2078-05-26 B.S.)

3740 पटक देखिएको

भदौ २६ ,गौशाला

आज रेडियो जुनतारा १०३.४ मेगाहर्जबाट हप्ताको एकदिन शनिवार प्रसारण हुने कार्यक्रम जिज्ञासाको बिजेता कमलेश कुमार मण्डल भएका छन् ।

औरही नगरपालिका वडा न. ५ श्रीपुर बस्ने रामजीवन मण्डल र बिल्टुनिया देविको छोरा कमलेश कुमार मण्डल (व्याचलर तेश्रो वर्ष ) ले आज रेडियो जुनताराको कार्यक्रम जिज्ञासामा रेडियोमा प्रत्यक्ष उपस्थित भइ कार्यक्रममा सोधिएका प्रश्नहरुको उत्तर दिएर बिजेता भएका छन् । त्यस्तै सोनमा -२ बस्ने गनौर प्रसाद यादव र उर्मिला देवीको छोरा विजय कुमार यादव (बिबिएस तेश्रो वर्ष ) दोश्रो र सम्सीको पर्सा बस्ने मर्जिना खातुन र साहेब जान अन्सारीको छोरा मो.एमाम अन्सारी (कक्षा ८ अध्ययनरत) तेश्तो भएका छन् ।

रेडियो जुनताराको अध्यक्ष श्री निरन्जन कुमार साह ज्युको हातबाट कमलेश कुमार मण्डलले नगद रु १००० र प्रमाण पत्र प्राप्त गरेका छन् ।द्वित्तीय र तृतीय हुनेले प्रमाण पत्र प्राप्त गरेका छन् ।

रेडियो जुनतारामा प्रत्येक हप्ताको शनिवार जिज्ञासा कार्यक्रम मार्फत श्रोताहरुलाई सामान्य ज्ञान सम्बन्धि प्रश्नोत्तर सोधिने र सहि उत्तर दिने बिजेताहरुलाई महिनाको अन्तिम शनिवार रेडियोमा उपस्थित गराई प्रश्नोत्तर गरि बिजेता हुनेलाई प्रमाण पत्र सहित उल्लेखित नगद प्रदान गरिने यो कार्यक्रमलाइ अघिल्लो महिना देखि परिमार्जन गरिएको छ ।

जसमा सोधिएका प्रश्नहरुमध्य १ देखि ३ सम्मको सहि उत्तर दिने रु. ५००,४ देखि ७ सम्मको सहि उत्तर दिनेलाइ रु.१००० ,८ देखि ११ सम्मको सहि उत्तर दिनेलाइ रु.१५०० र १२ देखि १५ सम्मको सहि उत्तर दिनेलाइ रु.५००० रकम र संयुक्त रुपमा प्रमाण पत्र प्रदान गरिने भएको छ ।

कमलेश कुमार मण्डलले ८ ओटा प्रश्नको जवान दिएर रु.१००० नगदबाट पुरस्कृत भएका हुन् ।

त्यस्तै कार्यक्रमकोको बारेमा बोल्दै बिजेता मण्डलले भने, "यस कार्यक्रमले विद्यार्थी तथा लोक सेवा आयोगको लागि तयारि गरिरहनु भएका व्यक्तिहरुलाइ महत्वपूर्ण सहयोग पुर्याएको छ र यो कार्यक्रम कहिले पनि बन्द गर्नु हुदैन चलीरहनुपर्छ ।"

जसले समाजमा जनचेतना सँगसँगै मानसिक वृद्धिमा पनि विकास गर्न मदत गरको छ रेडियो जुनतारालाई धन्यबाद ज्ञापन गर्दै उनले पुरस्कार प्रति खुसि र आभार व्यक्त गरेका छन् ।