महोत्तरीमा लुकाइ छिपाई ल्याइएको भारतीय नोटसहित एकजना पक्राउ

5 वर्ष पहिले प्रकाशित

(2078-06-05 B.S.)

2342 पटक देखिएको

असोज ६

महोत्तरीमा लुकाइ छिपाई ल्याइएको भारतीय नोटसहित एकजना पक्राउ परेका छन् ।पक्राउपर्नेमा भारत बिहार राज्य जिल्ला सितामढी बरियारपुर - ८ का ३१ वर्षीय सोभित शर्मा रहेका छन् । सोमबार करिब ६ बजेको समयमा भारतबाट महोत्तरीको मनरासिस्वा तर्फ आउदै गरेको BR 30 Q 7870 नं.को मोटरसाईकललाई रोकि चेकजाँच गर्दा शर्माले लगाएको पाईन्टको दाहिने खल्तिमा भारतीय रु २००० दरको नोट थान- ४५०० दरको नोट २२४ थान , २०० को नोट थान -९ , १०० को नोट -१ थान र ५० को नोट थान १ गरी कुल १ लाख २१ हजार ९५० भारतीय रुपैया बरामद गरिएको छ।

जिल्ला प्रहरी कार्यालय महोत्तरीको ईटहर्वाकट्टी प्रहरी चौकिबाट खटिएको नियमित चेकिङ टोलिले मोटरसाईकलमा सवार शर्मालाइ मोटरसाइकल सहित पक्राउ गरिएको छ। पक्राउ परेका शर्मालाइ आवश्यक कारवाहीको लागी राजश्‍व अनुसन्धान कार्यालय पथलैया बारामा बुझाइएको जिल्ला प्रहरी कार्यालय महोत्तरीले जनाएको छ।

साथै भन्सार छलि ल्याउँदै गरेको लत्ताकपडाहरु सहित दुई वटा मोटरसाइकल प्रहरीले नियन्त्रणमा लिएको छ आइतबार लोहारपट्टी नगरपालिका वडा नं. ६ स्थित अबैध रूपमा भन्सार छलि BR 30 A 2046 नम्बरकोको मोटरसाइकल र नम्बर प्लेट नलेखेको अर्को एक मोटरसाईकलमा लत्ता कपडा लोड गरी ओसार पसार गर्दै गरेको अवस्थामा प्रहरीले नियन्त्रणमा लिएको हो। जिल्ला प्रहरी कार्यालय महोत्तरीबाट खटिएको प्रहरी टोलिले सो लत्ताकपडा नियन्त्रणमा लिएको हो । पक्राउ गरेको विभिन्न किसिमका लत्ता कपडाहरुको बजार मुल्य रु. ६,लाख ३ हजार ३६३ बराबर रहेको प्रहरीले जनाएको छ नियन्त्रणमा लिएको लत्ताकपडा गाडीसहित कारवाहीको लागी जलेश्‍वर भन्सार कार्यालय मलिवारा बुझाईएको जिल्ला प्रहरी कार्यालय महोत्तरीले जनाएको छ।