चोरीको बिगबिगी, गौशालामा एकै राति भयो दुई मोटरसाइकल चोरी

5 वर्ष पहिले प्रकाशित

(2078-06-14 B.S.)

3342 पटक देखिएको

असोज,१४

महोतरीको गौशालामा चोरी चपाटि बढेको छ ।बुधबार राति हस्पिटलको अगाडी राखिएको दुइओटा मोटरसाइकल चोरी भएको छ ।

गौशालाको जिरोमाइल स्थित रहेको रहेका गौशाला सिटि हेल्थ केयर हस्पिटल प्रा.लि. अगाडी राखिएको हस्पिटलका संचालक सरोज सिंहको TVS कम्पनीको अपाचे १६० सि सि को प्र. २ -०२ प. ६६४२ नम्बरको मोटरसाइकल र दिपेन्द्र कुमार थापाको घर आगाडी लागेको बजाज कम्पनीको पल्सर १५० सिसि प्र -२ -०२ प ७७१८ नम्बरकोको मोटरसाइकल राति करिब १ बजे तिर उक्त ठाउबाट चोरले चोरेर लागेको होस्पिटलको सिसिटिभी क्यामरामा रेकर्ड भएको भिडियोमा देखिएको छ ।

गौशाला बजारमा केहिदिन देखि मोटरसाइकल चोरहरु सक्रिय भएका छन । स्थानिएको भनाइ अनुसार चोरी बढ्नुमा यहाँको सुरक्षा निकाइको फितलो व्यवस्था रहनु तथा सुराक्षाप्रतिको वेवास्ता हो । जसले गर्दा चोरी ,लुटपाट बाट यहाँका सर्वसाधारण जनताहरु दु:ख भोग्न बाध्य रहेको गौशाला -५ निवासी रामविलास महतोले बताएका छन् । साथै उनले भनेका छन् "जुन दिन देखि गौशाला इलाका प्रहरी कार्यालयमा विष्णु प्रदिप बस्याल इन्चार्ज बनेर यहाँ आए सोही दिन देखि यहाँ पहिलाको जस्तो नियम प्रशासन लागु भएको छैन ।

उनका अनुसार हाल यस्ता विकृतिहरु बढ्नुमा प्रहरी प्रसाशनको कमीकमजोरी तथा हेल्चेक्र्याई हो ।त्यस्तै गौशाला इलाका प्रहरी कार्यालयका इन्चार्ज विष्णु प्रदिप बस्यालले यस सम्बन्धि प्रतिक्रिया दिदै भनेका छन् । ,यस्ता घटना हरु घट्नुमा स्थानीय स्वयम् दोषी रहेका छन् ।

प्रहरीले आफ्नो काम तथा जिम्मेवारी पुरा गरिरहेको छ । तर स्थानीय आफैले पनि आफ्नो सुरक्षामा ध्यान दिनु जरुरि छ । उनले प्रहरी प्रशासन भन्दा पनि आफ्नो सरसामग्रीहरु आफै सुरक्षित हुने गरि राख्नुपर्नेमा जोड दिदै प्रहरीले आफ्नो तर्फबाट सकभर यस्ता विकृतिहरु हुन नदिने प्रयास गर्दै आइरहेको बताएका छन् ।