महोत्तरीमा सवारी दुर्घटना हुदा दुई जना घाइते

5 वर्ष पहिले प्रकाशित

(2078-06-19 B.S.)

4253 पटक देखिएको

असोज, १९

महोत्तरीको सोनमा गाउँपालिकामा सवारी दुर्घटना हुदा एकजना घाइतेभएका छन् । घाइते हुनेमा सोनमा गा.पा.५ खयरबनी स्थित सर्लाही जिल्लाको पर्सा गाउँपालिका वडा न.१ संग्रामपुर बस्ने २५ वर्षीय २५ वर्षीय लालबाबु राय यादव र सोहि स्थान बस्ने राज किशोर महतोको छोरा बर्ष १० को विवेक महतो घाईते भएका हुन् ।

सोमबार १९ः४० बजेको समयमा हुलाकी राजमार्गमा सर्लाहीबाट खयरबनीतर्फ आउदै गरेको ज. ७ प. ५७७० नम्बरको मोटरसाईकल अनियन्त्रित भई दुर्घटना भएको हो । उनीहरुलाई उपचारको लागी स्थानिय आरती अस्पताल रघुनाथपुरमा उपचार भईरहेको प्रहरीले जनाएको छ ।हाल दुवै जनाको अवस्था सामान्य रहेको, सो घटना सम्बन्धमा थप अनुसन्धान भईरहेको जिल्ला प्रहरी कार्यालय महोत्तरीले जनाएको छ ।

महोत्तरीको बर्दिबासमा पनि सवारी दुर्घटना हुदा एकजना घाइते भएका छन्। घाइते हुनेमा पर्साको ठोरी गाउँपालिका वडा न. ४ बस्ने करिब ३३ वर्षीय धन बहादुर श्रेष्ठ रहेका छन्। मंगलबार करिब १४ः५० बजेको समयमा बर्दिबास नगरपालिका वडा न. १० बाँके पुल स्थित पुर्व बाट पश्चिम तर्फ जाँदै गरेको प्रदेश २-०३-००१प ६१६६ नं.को मोटरसाईकल लाई सोहि दिशा बाट आउदै गरेको बा १९ च ५०३२ नं.को कारले साईडमा ठक्कर दिंदा मोटरसाईकल चालक श्रेष्ठ घाइते भएका हुन् ।

उनको गढीमाई अस्पताल लालबन्दी सर्लाहीमा उपचार भईरहेको प्रहरीले जनाएको छ ।उनको अवस्था हाल मध्यम रहेको तथा मोटरसाइकल र कार चालक प्रहरीको नियन्त्रणमा रहेको जिल्ला प्रहरी कार्यालय महोत्तरीले जनाएको छ।