शुभकामना आदानप्रदान र सेवानिबृत शिक्षकहरुको सम्मान कार्यक्रम सम्पन्न

4 वर्ष पहिले प्रकाशित

(2078-07-12 B.S.)

3242 पटक देखिएको

निरन्जन कुमार साह
कार्तिक १२ ,औरही ।
महोत्तरीको औरही नगरपालिका अन्तर्गत रहेका सामुदायिक विद्यालयहरुको शिक्षकहरुलाई समान तथा शुभकामना आदान प्रदान कार्यक्रम समपन्न भएको छ ।

औरही नगरपालिकामा रहेको श्रीप्रसाद उच्च माविको प्राङ्गणमा नेपाल शिक्षक महासंघ नगरकार्य समितीद्वारा आयोजना गरिएको शुभकामना आदान प्रदान तथा सेवानिवृत शिक्षकहरुको सम्मान कार्यक्रमको अध्यक्षता नेपाल शिक्षक महासंघका नगर अध्यक्ष रामगोपाल यादवले गरेका थिए भने प्रमुख अतिथि औरही नगरपालिकाका नगर प्रमुख शुनिल कुमार यादव लगायत नगरका सम्पूणर् विद्यालयका प्रध्यानाध्यापक, शिक्षक, शिक्षिका तथा शिक्षा क्षेत्रमा कार्यरत प्रमुख व्यक्तिहरुको उपस्थिती रहेको थियो ।
कार्यक्रममा नगर प्रमुख शुनिल कुमार यादवले औरही नगरपालीका भित्र रहेका सम्पूणर् विद्यालयमा विषयगत शिक्षक नभएको विद्यालयको लागि दरबन्दीको व्यवस्था मिलाउने प्रयास गरिरहेको जानकारी दिए ।
उनले नगरपालिका भित्रका विद्यालयहरुमा भौतिक संरचना लगायत शिक्षा क्षेत्रको लागि निकै गम्भिर भएको जनाएका छन् ।
त्यस्तै नगरभित्रका सबै विद्यालयहरुमा गुणस्तरिय पठनपाठनको लागि नगरपालिका सबै किसिमको सहयोग गर्न सदैब तयार रहेको उनले प्रतिबद्धता व्यक्त गरेका छन् ।