गौशाला महोत्तरी

कार्तिक १६

महोत्तरीको गौशाला नगरपालिकामा रहेको गाई गौशालाको जग्गा र गुठि संस्थानको जग्गालाई संरक्षण गर्नुपर्ने भुमि व्यवस्था सहकारी तथा गरिवी निवारण मन्त्रि शशि श्रेष्ठले बताउनु भएको छ । गौशाला नगरपालिका अन्तर्गत रहेका गाई गौशालाको जग्गा र गुठी संस्थानको जग्गा अतिक्रमण भईरहेको सन्दर्भमा बक्ताहरुले उठाएका प्रश्नहरुको उत्तर म रातदिन मेहनत गरेर यो सन्दर्भमा चाडै भन्दा चाडै अतिक्रमणको र बिचौलियाको समस्यालाइ समाधान गर्न लागि परेको छु । साथै भूमिहीन जनताहरुलाई भूमिको पनि व्यवस्था गरेर लालपुर्जा हस्तान्तरण गर्ने छु भनेर उहाले बताउनु भएको छ ।

मंगलवार महोत्तरीको गौशाला नगरपालिकामा नेकपा माओवादी केन्द्रले आयोजना गरेको शुभकामना आदान प्रदान  कार्यक्रमलाई सम्बोधन गर्दै मन्त्री श्रेष्ठले यस्तो प्रतिबद्धता जनाएका हुन् ।

गौशाला स्थितका सम्पूर्ण वडाहरु नमुनाको रुपमा बिकसित भएका तर यहाँ गाई गौशाला तथा गुठीहरुको जमिन अतिक्रमण गरेर सम्पूर्ण कामहरु भ्रष्टचारमा भईरहेको युवा नेता सूर्यनारायण साहले बताए ।

आम नागरिकहरुले सरकारी  सुबिधाको लागि पनि अनावश्यक रुपमा खर्च गर्नु परेको गुनासो गर्दै नापी कार्यालय र मालपोत कार्यालय स्थानीय स्तरबाटै संचालित हुनपर्ने गौशाला नगरपालिका वडा न.१२ वडा अध्यक्ष तथा दलित मुक्ति संगठनका नेता कृष्ण बहादुर विश्वकर्माले बताएका छन् ।

गाई गौशालाका गाईहरू खान नपाएर मरिरहेको भन्दै प्रदेश न.२ का आन्तरिक मामिला तथा संचार मन्त्रि भरत प्रसाद साहले जबसम्म गाई गौशालाको जिम्मा प्रदेश सरकारलाइ दिईदैन तबसम्म यसको संरक्षण र सम्बर्धन हुदैन भनेर भनेका छन् ।

यदि यहि मंच बाट प्रमुख अतिथि मन्त्रि शशी श्रेष्ठले गौशाला नगरपालिकामा मालपोत र नापी शाखा स्थापनाको घोषणा गर्नुहुन्छ भने २४ घण्टा भित्रमा गौशाला नगरपालिकाले भवन र कर्मचारीको व्यवस्था गर्न तयार छ भनेर नगरका मेयर शिवनाथ महतोले प्रतिबद्धता व्यक्त गरेका छन् । 

त्यस्तै सम्पूर्ण वक्ताहरुको कुरा सुनेर प्रमुख अतिथि मन्त्रि शशी श्रेष्ठले भने,"यो मंच बाट घोषणा गर्न मिल्दैन तर जनताको सेवाको लागि अहोरात्र काम गरेर छिटो भन्दा छिटै म आफ्नै कार्यालयमा गौशाला नगरपालिकामा यो कार्यको प्रारम्भ गर्ने छु ।"

उक्त कार्यक्रममा शुभकामना आदान प्रदान गर्दै नेकपा माओवादी केन्द्रको गौशाला नगरपालिकाका नगर संयोजक बिष्णु लामाले कार्यक्रम समापन गरेका थिए ।