महोत्तरीमा एक बालिका बलात्कृत ,वडा अध्यक्षद्वारा ढाकचेप गर्ने प्रयास

समाज मधेश प्रदेश मुख्य समाचार

5 वर्ष पहिले प्रकाशित

(2078-07-28 B.S.)

3475 पटक देखिएको

ममता शर्मा

कार्तिक २८

बिगत केही दिन देखी महोत्तरीमा महिला हिँसा र बलात्कार जस्ता घटनाहरुमा वृद्धि भएको छ ।

महोत्तरीको सम्सी गाउँपालिका वडा नं ६ मा १४ वर्षिय बालिकामाथि सामुहिक बलात्कार भएको छ। वालिकाको अनुसार वयस्क अवस्थाका करिब २२/२३ वर्षीय दुई जना स्थानीय पुरुषले जबर्जस्तीकरणी गरेका हुन्।

जसमा वडा नं ७ का वडा अध्यक्ष मदन राय र नेपाली कांग्रेसका नेता उतिम रायले पंचायतीमा रु.७५ हजार रकम दिएर घटना ढाकछेप गर्ने प्रयास गरेको पिडित वालिकाले बताएकी छिन ।

बितेको छठ पर्वको साझिया अर्घको दिन (२४ गते ) रातिको करिब ११:३० बजेतिर घर फर्किने क्रममा घटना घटेको पिडित बालिकाले बताइन।

उनले भनिन् ,"म र मेरो साथी घर फर्किदै थियौ । मेरो साथीको घर आए पछी उनि आफ्नो बाटो लागिन । म आफ्नो घर तिर अगाडी बढे । अचानक दुइ जना अपरिचित पुरुषहरु मोटरसाइकिलमा आए र मेरो मुख हातले थुनेर मोटरसाइकलमा बसाई आफ्नो घर लगे । वरपर कोहि मानिसहरु थिएनन् । घरमा लगेर मेरो हात खुट्टा बाधेर दुवै पुरुषले पालै पालो म सँग जबर्जस्तिकरणी गरे । घरमा ठुलो स्वरमा डिजे बजाएकोले कसैले चाल पाएनन् । करिब एक डेढ घण्टा पछी मलाइ घरको बाहिर निकालेर छोडे र म डरले रुदै आफ्नो घरमा आए। घटनाको बारेमा आफ्नो आमालाइ सबै कुरा भने पछी आरोपीतको घरमा गएर गुनासो गर्दा आरोपित पक्षले धाक धम्कि दिएर भगाईदिएको र हाल आरोपित फरार रहेको पिडितको आमाले बताएकी छिन।

आरोपीले सजाय पाउनैपर्छ भन्ने माग राख्दै पिडित पक्षले जिल्ला प्रहरी कार्यालयमा उजुरी दिएका छन्। बालिकाको स्वास्थ्य परिक्षण गरिएको तर रिपोर्ट आउन बाकि रहेको उनकी आमाले बताइन । घटना ढाकछेप गर्न वडा नं ७ का वडा अध्यक्ष मदन राय र नेपाली कांग्रेसका नेता उतिम राय लगायतका व्यक्तिहरुले रकम दिएर घटना मिलाउने प्रयास गरेको समेत पिडितकि आमाले बताइन। तर इज्जतको बदलामा पैसाको कुनै महत्व नरहेको वालिकाको बुबाले बताएका छन् ।आफुहरुलाई न्याय तथा आरोपीलाई कडा भन्दा कडा सजाय दिनुपर्ने उनले माग गरेका छन्।