नृत्य प्रति प्रिन्स गदाइलीको डोराइ

5 वर्ष पहिले प्रकाशित

(2078-08-14 B.S.)

2690 पटक देखिएको

ममता शर्मा

मानिसमा अन्तर्निहित विभिन्न किसिमका प्रतिभा रहेका छन् । जसमा कसैले आफ्नो प्रतिभा उजागर पाउछन त कसैले समाज तथा परिवारको डरले लुकाएर समेत बसेका हुन्छन । किनभने सबैले आफ्नो प्रतिभाको कदर पाएका हुदैनन् वा त्यसलाई उजागर गर्ने मौका पाएका हुदैनन् । यस्ता कमै परिवार हुन्छन, जसले आफ्ना सन्तानलाइ उनीहरुले इच्छा वा चाहना बमोजिम अगाडी बढ्न दिन्छन ।

आमा बुबाले आफ्ना सन्तानको लागि छुट्टै सपना बोकेका हुन्छन, जसले गर्दा कतिपय व्यक्तिहरुले आफ्नो इच्छा मारेर परिवारको चाहना पुरा गर्न बाध्य भएका हुन्छन । यस्ता किसिमका क्रियाकलाप हाम्रो समाजमा निकै रहेको पनि छ ।

तर धनुषाको मिथिला नगरपालिका वडा न.४ पुष्पवलपुर स्थित बसोबास गर्ने मध्यम परिवारका प्रिन्स गदाइली सानै उमेर देखि नृत्य सम्बन्धि क्रियाकलापतिर आकर्षित भएका छन् । राम बहादुर गदाइली ,दुर्गा गदाइलीको छोरा प्रिन्स कक्षा सातमा भर्खर अध्ययन गर्दै छन् । उनमा एक किसिमको सम्मानजनक नृत्य प्रतिभा रहेको छ । जसलाई उनको आमाबुबाले मात्र नभएर सम्पूर्ण समाजले प्रोत्साहन गरिरहेका छन् ।

पढाइ संगसंगै उनले आफ्नो नृत्य क्रियाकलापलाइ पनि समय तथा बढावा दिएका छन् । उनि आफुमा भएको प्रतिभा भविष्यमा गएर एउटा ठुलो कलाकार बन्ने खालको हो भनेर प्रफुल्ल हुदै भन्छन ,"म माइकल ज्याक्सन जस्तो नृत्य गर्दछु र मलाइ यसमै रुची छ । एकदिन यसबाटै म यो देशभर मात्र नभएर विश्वभर परिचित हुने छु ।"

उनले आफ्नो चाहना नृत्य मात्र नभएर विभिन्न किसमको स्टेज सो गर्ने समेत रहेको बताए । साथै यस्ता क्रियाकलाप गर्दै आएको पनि सुनाए ।

आफ्नो छोराको यस्तो सोच र प्रतिभा प्रति प्रिन्सका आमाबुबा आफुलाई यो गौरबको कुरा भएको बताउछन । उनीहरु भन्छन, "हामीले आफ्नो छोरालाइ उसलाई जे इच्छा लाग्छ त्यहि गर्नु भनेर प्रोत्साहन दिने गरेका छौ । आफ्नो इच्छा भन्दा छोराको सपना हाम्रो लागि सर्वेसर्वा हो ।

त्यस्तै प्रिन्सले आफ्नो प्रतिभा समाजमा एक कलाकार तथा अभिभावकको यसमा सहयोगको कुरा दर्शाउने भाव भएको समेत बताएका छन् ।