जिज्ञाशामा पहिलो पल्ट बढी राशिको पुरस्कार बिजेता भए सचिन

5 वर्ष पहिले प्रकाशित

(2078-08-25 B.S.)

4584 पटक देखिएको

कार्तिक २५ ,गौशाला

आज रेडियो जुनतारा १०३.४ मेगाहर्जबाट हप्ताको एकदिन शनिवार प्रसारण हुने कार्यक्रम जिज्ञासाको बिजेता सचिन यादव भएका छन्।

उनि जिज्ञाशा कार्यक्रमको सबभन्दा बढी राशिको पुरस्कार प्राप्त गर्ने अहिले सम्मको प्रथम व्यक्ति हुन् सोनमा गाउँपालिका वडा न.३ रघुनाथपुर बस्ने रिता कुमारी यादव र रामभरोस यादवको छोरा (९ कक्षामा अध्ययनरत ) ले आज रेडियो जुनताराको कार्यक्रम जिज्ञासामा रेडियोमा प्रत्यक्ष उपस्थित भइ कार्यक्रममा सोधिएका ४५ प्रश्नहरुमध्य १३ ओटा प्रश्नको सहि उत्तर दिएर बिजेता भएका हुन्।

रेडियो जुनताराको अध्यक्ष श्री निरन्जन कुमार साह ज्युको हातबाट सचिन यादवले नगद रु. ५००० र प्रमाण पत्र प्राप्त गरेका छन्। त्यसैगरि कार्यक्रममा लालबन्दी ,सर्लाहीबाट आएका बैजनाथ महतो र सखिया देविका छोरा सुरुदेव महतो द्वतिय र सोनमा -३ रघुनाथपुर बस्ने मुर्ति देवी र रामविश्वास यादवका छोरा कक्षा ९ मा अध्ययन रत नविन यादव तृतीय भएका छन्।

रेडियो जुनतारामा प्रत्येक हप्ताको शनिवार जिज्ञासा कार्यक्रम मार्फत श्रोताहरुलाई सामान्य ज्ञान सम्बन्धि प्रश्नोत्तर सोधिने र सहि उत्तर दिने बिजेताहरुलाई महिनाको अन्तिम शनिवार रेडियोमा उपस्थित गराई प्रतिस्पर्धा गराइन्छ। जसमा सोधिएका प्रश्नहरुमध्य १ देखि ३ सम्मको सहि उत्तर दिने रु. ५००,४ देखि ७ सम्मको सहि उत्तर दिनेलाइ रु.१००० ,८ देखि ११ सम्मको सहि उत्तर दिनेलाइ रु.१५०० र १२ देखि १५ सम्मको सहि उत्तर दिनेलाइ रु.५००० रकम र संयुक्त रुपमा प्रमाण पत्र प्रदान गरिन्छ सचिन यादव पनि उल्लिखित सर्तअनुसार पुरस्कृत भएका हुन्।

कार्यक्रम जिज्ञासाको बारेमा बोल्दै बिजेता यादवले भने , यस कार्यक्रमले विद्यार्थी तथा लोक सेवा आयोगको लागि तयारी गरिरहनु भएका व्यक्तिहरुलाई महत्वपूर्ण सहयोग पुर्याएको छ ।जसले समाजमा जनचेतना सँगसँगै मानसिक वृद्धिमा पनि विकास गर्न मदत गरको छ रेडियो जुनतारालाई धन्यबाद ज्ञापन गर्दै उनले पुरस्कार प्रति खुसि र आभार व्यक्त गरेका छन्।