प्रहरी प्रशासनको लापरबाही गौशाला उद्योग वाणिज्य संघको आरोप

4 वर्ष पहिले प्रकाशित

(2078-10-01 B.S.)

2857 पटक देखिएको

ममता शर्मा
गौशाला उद्योग वाणिज्य संघले प्रहरी प्रशासनले लापरबाही गरेको आरोप लगाएको छ । गौशाला बजारमा बिहिबार राति भएको चोरीको घटनामा प्रहरीको सक्रियता कमि देखिएको गौशाला उद्योग वाणिज्य संघले प्रेश विज्ञप्ति जारि गर्दै प्रहरीको निगरानी हुदा हुदै पनि चोरी सहज तरिकाले हुनु दुखद रहेको जनाएको छ ।

“घटना स्थल भन्दा करिब ३०० मिटर नजिकै इलाका प्रहरी कार्यालय छ । प्रहरीको नियमित सुरक्षा गस्ती र बजारै भरि सिसिटिभी क्यामराबाट २४ औ घण्टा निगरानी हुदा पनि पसलको ढोका फोडिनु र समान चोरिनुले प्रहरीको सुरक्षामाथि प्रश्न चिह्न उब्जाएको छ । जनताको जीउधन सुरक्षार्थ खटिएका प्रहरीको आखाँ अगाडीबाटै चोरी हुनु सामान्य विषय होइन ” बिज्ञप्तिमा भनिएको छ ।

घटनाले गौशाला बजारका व्यापारीहरु त्रसित भएको जनाउदै संघले अपराधिक जन्य घटनाहरुको गम्भीर छानविन गरि दोषीलाई कारवाही गर्न जोडदार माग गरेको छ ।

गत विहिबार गौशाला बजारमा रहेको मोबाइल पसलमा लाखौको चोरी भएको थियो ।बजारको गणेश मन्दिर भन्दा ५० मिटर उत्तर रहेको संजिप कुमार यादवले संचालन गरेका मिथिलान्चल कम्प्लेक्समा मूल गेटको ढोका तोरी अज्ञात समूहहरुद्वारा राती २ बजे मोबाइल १२० थान (१३ लाख १८ हजार ) को ,सिसिटिभीको डीभिआर १ थान, ल्यापटप १ थान र अन्य सामग्री गरि २० लाख २२ हजार ८ सय बराबरको समान चोरी थियो ।