मेरो शेयर कसैले प्रमाणित गर्दिए ,जुनसुकै सजाय भोग्न पनि तयार छु :मेयर विदुर कार्की

5 वर्ष पहिले प्रकाशित

(2078-10-05 B.S.)

2491 पटक देखिएको

निरन्जन साह ,
बर्दिबास ,माघ ५ गते
देशमा धेरै ठाउँ लगायत महोत्तरीमा पनि क्रसर उद्धमीहरुले ताण्डव मचाईरहेका अवस्था यथावत छ । महोत्तरीमा क्रसर उद्धमीहरुले नियम विपरित संचालन गरि र मापदण्ड विपरित उत्खनन गरि देशमा आतंक नै मचाईरहेको अवस्था छ ।
धनुषाको दिलिप हत्या प्रकरण ,भंगहा नगरपालिकाको क्रसर विरुद्ध जनताको आन्दोलन ,गौशाला नगरपालिकामा १० ओटा क्रसरले मापदण्ड विपरित उत्खनन गरेको कुरा मिडियामा सर्वत्र छन् । त्यहि बेला देखि नै बर्दिबास नगरपालिकामा संचालित क्रसरमा मेयर विदुर कार्कीको कैयौ क्रसरमा आफ्नो शेयर लगानी रहेको जनताबाट आवाज समेत उठेको छ ।
तर मेयर कार्कीले आफ्नो कुनै पनि क्रसरमा शेयर नरहेको दावी गर्दै सो कुराको खण्डन गरेका छन् । माघ २ गते पत्रकार सम्मेलनमा मेयर कार्कीले भने ,”यदि कुनै पनि जनताले क्रसर उद्योगमा मेरो शेयर र संलग्नता छ भनेर प्रमाणित गर्दियो भने म जुनसुकै सजाय भोग्न तयार छु र जनताले गरेको कारवाही म राजीखुसी स्वीकार गर्ने छु र बर्दिबास नगरपालिका भित्र संचालन भएका क्रसरहरु एकहप्ता भित्र मापदण्ड भित्रमा रहेर संचालन गरेनन भने कुनै पनि बेला गएर शिल गर्ने छौ भनेर प्रतिबद्धता व्यक्त गरेका छन् ।