सप्तरी ,माघ-१३

नबिन यादव

सप्तरी जिल्लाको सदरमुकाम राजविराजको मुटुमा करिब दुई वर्ष देखि संचालित रहेको छिन्नमस्ता अस्पतालको बरिष्ट सर्जन डाक्टर राजीव मिश्रालाई बुधबार एक कार्यक्रम बिच भब्यताको साथ बिदा समारोह सम्पन्न भएको छ।

बिदा समारोह कार्यक्रममा अस्पतालको उपाध्यक्ष कुरूणा झाले सम्मान पत्र संगै दोसल्ला ओढाएर डा. मिश्रालाई सम्मान  गरे।  त्यसै गरि अस्पतालको संयोजक दिपेन्द्र यादवले फूलको माला ,अबिरको टिका लगाएर सम्मान समेत गर्नु भएको थियो। डा. राजीव मिश्राको बिदा समारोह कार्यक्रमा विभिन्न डाक्टरहरूको उपस्थित देखा परेको थियो।

डा. पारस मनि साह, डा. ज्ञानेन्द्र झा, डा. सरोज साह, डा. महिला बिभागको संतोष झा , डा. प्रमोद यादव, डा.संदिप साह , डा.मुकुन्द देव, डा. दलिप गुप्ता, डा.शशि सिंह, डा.आन्न्द सिंह , डा. सतिष ठाकुर , डा. आशिश सिंह , डा. आशिश झा, डा. इन्द्रभुषन मंडल , डा.सुनिल सिंह, डा. अस्मृता मंडल, अस्पतालको प्रशासन राजैश मिश्रा, शिकेन्दर मंडल ,तिर्थ नारायण दास, पत्रकार नवीन यादव लगाएतको व्यक्तिहरुको उपस्थिति थियो। सोही बिदा समारोहमा केहि डाक्टरहरूलाई स्वागत पनि  उपाध्यक्ष करूणा झाले गरिन। डाक्टर संदिप साह ,डा .मुकुन्द देव,डा संतोष झा डा. दिलिप  गुप्ता, डा.शशि सिंह, डा.आन्न्द सिंह , डा. सतिष ठाकुर , डा. आशिश सिंह , डा आशिश झा डा. इन्द्रभुषन मंडल , डा.सुनिल सिंह, डा. अस्मृता मंडल, लगाएतको डाक्टरहरूलाई फूलको माला सम्मान स्वरूप गमछा ,अबिरको टिक लगाएर स्वागत गरिएको  थियो।

उता डाक्टर मिश्राको बिदा समारोहमा वक्ताहरले आ - आफ्नो तर्क प्रस्तुत समेत गरेका थिए । डाक्टर ज्ञानेन्द्र झाले भन्नु भयो  ,पहिलो डाक्टर राजिव मिश्रा सप्तरी आउँदा, मैलै भनेको थियो डा .राजीव भनेको सप्तरी जिल्लामा स्वास्थ्य क्षेत्रमा राज गर्छन, त्यस्तै आज सप्तरी जिल्लाको लागि आफ्नो पहिचान छोडेर जानु भयो, सप्तरीको जनता  कहिले डा.राजिव मिश्रालाई बिर्सन सक्दैन  । वास्तबमा डाक्टर भनेको भगवान हुन । त्यो भगवान रूपि छबि डा . राजीव मिश्राको हृदयमा समावेश छ।

डाक्टर मिश्राले आफ्नो कार्यकाल  सम्म निरन्तर रूपले स्वास्थ्य क्षेत्रमा सेवा दिई छिन्नमस्ता अस्पतालको उच्च बिन्दु सम्म समेत पुगाउनु भएको सोही कार्यक्रमको बक्ताहरूले आफनो मन्तव्यमा  बताउनु भएको थियो । उहाँले छिन्नमस्ता अस्पतालमा ७३१ वटा सफल शल्यक्रिया गर्नु भएको अप्रेशन बिभागको ईन्चार्ज शिब मंडलले बताउनु भएको छ।

अस्पतालको उपाध्यक्ष करूणा झा द्वारा डा. मिश्रालाई दिएको  सम्मान  पत्रमा लेखिएको थियो कि  स्थापना काल देखि छिन्नमस्ता हस्पिटलमा निरन्तर रूपले स्वागत रहि कोभिड-१९ को समयमा पनि देश र जनताको सेवामा समर्पित अत्यन्त कर्तव्यनिष्ठ , इमान्दार र मेहनती तपाई डा. राजीव मिश्रा ( जेनरल सर्जन) २०७८- १०- १२ गते उच्च शिक्षा अध्ययनको लागि स्थानान्तरण हुनु भएकोमा तपाईले पुर्याउन भएको सेवाको उच्च मूल्यांकन गर्दै उच्च सम्मानको साथ यो सम्मान पत्र प्रदान गरिएको छ।

डाक्टर राजीव मिश्रा डाक्टर भएर पनि समाजसेवी पनि हुन भने आफ्नो मनमा जिज्ञासा स्थापना  गरिको छ। कति गरिब, अपाङ्ग, एकल, दलितहरूलाई निःशुल्क शल्यक्रिया समेत दिएर, मानव रूपि भगवानको दर्शन प्रकट गर्नु भएको छ।