खेलले युवाहरुको भविष्य निर्माणमा अहम भुमिका निर्वाह गर्छ - नेता पटेल

खेल मधेश प्रदेश मुख्य समाचार

5 वर्ष पहिले प्रकाशित

(2078-10-22 B.S.)

5037 पटक देखिएको

पवन प्रसाद साह

वीरगंज, पर्सा

लोकतान्त्रिक समाजवादी पार्टीका नेता शिव पटेलले खेल युवाहरुको भविष्य निर्माणमा अहम भुमिका निर्वाह गर्ने बताउनु भएको छ।

आर.सि.पि.क्लब,बहुदरमाइ द्वारा आज बहुदरमाई नगरपालिका-२ पिपराको बहुदरमाइ मन्दिर नजिक तिलावे नदिको किनारमा अवस्थित खेल मैदानमा आयोजित बहुदरमाइ नगर स्तरिय जुनियर क्रीकेट प्रतियोगिताको उदघाटन गर्दै नेता पटेलले खेलले युवाहरूलाई शारीरिक रूपमा स्वस्थ मात्र बनाउने नभएर यसले अनुसाशीत रहि लगनशीलताका साथ कार्य गर्न अभिप्रेरित गर्ने बताए।

आजको युगमा खेलमा राम्रो गर्नेलाई सरकारले सम्मानका साथ मनग्य अर्थ प्रदान गरिरहेकोले यस क्षेत्रमा अगाडि बढ्न आग्रह गर्दै नेता पटेलले स्थानिय सरकार गठन भए देखी विभिन्न नगरपालिकाले मेयर कप गरि युवाहरूलाई प्रोत्साहन गरिरहेको तर बहुदरमाइ नगरपालिका कार्यालयको खेल प्रती कुनै चासो नरहेको र यहाका नगरप्रमुख कमिसनमा मात्र रुमलिएको बताउदै आफू युवाहरुको लागि सदैव सहयोग गर्न तयार रहेको बताउनु भयो।

क्लबका अध्यक्ष अमित साहको अध्यक्षतामा आयोजित सो खेल उद्घाटन कार्यक्रममा लोसपाका युवा नेता कृष्ण यादव, लखन पटेल, राजन पटेल, लगायत को उपस्तिथि रहेको थियोे । आजको खेल नगरदाहा र एकडर्वा बिच सुरु भएको छ।

आठ गाउँ क्रमशः पिपरा, नगरदाहा,एकडर्वा,बैरिया,बिन्दबाशिनि,बिश्रामपुर, महुवन, डोकैला बहुवरीका युवाहरु टिम प्रतियोगितामा सहभागी रहेका छ्न। खेलको रेफ्रीमा परदेशी मिया र उपेश पटेल रहेका छ्न।