काम समान तर मूल्यांकन बेग्लै : उपप्रमुख आशा लामा

समाज मधेश प्रदेश मुख्य समाचार

4 वर्ष पहिले प्रकाशित

(2078-11-24 B.S.)

4368 पटक देखिएको

ममता शर्मा

फाल्गुन २४ ,मंगलबार

गौशाला नगरपालिकाका उपप्रमुख आशा लामाले महिलाले पुरुष सरह कामको सम्मान प्रदान नभएको बताउनु भएको छ ।

पितृ सतात्मक सोच ,रुढिवादी परम्परा ,महिला सशक्तीकरणमा कमि आदि जस्ता कुरा अहिले पनि हाम्रो समाजको वास्तविकता रहेको बताउनु भएको छ । "महिलाले अहिले सम्म पनि आफ्नो काम मेहनत र परिश्रमको मूल्यांकन र पुरुष सरह ज्याला नपाएको जस्ता सवाल अविजित नै छ । उहाले भन्नुभयो, यी एक किसिमको महिला माथि गरिएको हिँसा नै हो । स्वतन्त्रताको अधिकार भएपनि निर्णयको अधिकार प्राप्ति भएको छैन ।

शिक्षित समाजको निर्माण भएमा मात्र समाजमा महिला माथिको विभेद अन्त्य हुने उहाले बताउनु भयो । "हरेक कार्यमा सहभगिता जनाउनु जरुरि रहेको छ । पुरुषले मात्र गर्न सक्छ, महिला सक्दैन भन्ने सोच हिँसाको प्रमुख कारण हो । अब एक कदम हिंसा अन्त्य गर्न हैन आफुलाई अगाडी बढाउँन र सक्षम बनाउन चालौ । न्याय मागेर मात्र भएन ,अन्याय नहुने स्थितिको सिर्जना गरौ । पुरुषले मात्र शासन गर्न सक्छ भन्ने भनाइ परिकल्पना हो । सत्य यहि हो, नारीले सृष्टिको संरचना गर्न सक्छ ,बनाउन सक्छ भने यसमा आफ्नो मान, प्रतिष्ठा, सम्मान अनन्त सम्म स्थापित पनि गर्न सक्छ । केवल प्रयासको खाचो छ, आफुले आफुलाई चिन्न जरुरि छ । हिंसा भन्ने कुरा त्यसै अन्त्य हुन्छ ।

गौशाला नगरपालिका वडा न.८ बेल्गाछी स्थित अखिल नेपाल महिला संघ (क्रान्तिकारी ) गौशाला नगर समितिद्वारा आयोजना गरिएको उक्त कार्यक्रममा नेकपाका केन्द्रिय सदस्य सुमिरा तिमल्सिना , नेकपाका प्रदेश सदस्य भवानी थापा ,बिष्णु लामा ,नगर प्रमुख शिवनाथ महतो ,विजय कुमार साह ,काशी महतो ,नगर उप प्रमुख आशा लामा लगायतको उपस्थिति रहेको थियो ।