औरहीका मेयर सुनिल लंकामा पुग्दा लंकावासी कलियुगको राम आयो भन्दै उत्साही

समाज मधेश प्रदेश मुख्य समाचार

4 वर्ष पहिले प्रकाशित

(2078-11-25 B.S.)

9236 पटक देखिएको

Niranjan Kumar Sah

निरन्जन साह

फाल्गुन २५

महोत्तरीको औरही नगरपालिकाका मेयर सुनिल कुमार यादव लंकामा जादा लंका वासी खुसीका साथ् उत्साही भएका छन् । आज सम्म कुनैपनि राजनीतिक दलका नेताहरु सो ठाउलाई निरीक्षण समेत गर्न नआएको तर औरहि नगरपालिकाका मेयर सो ठाउँमा पटक पटक गइ स्थानीयहरुको समस्या बुझ्ने गरेकोले उनलाई भगवान रामको संज्ञा गाउँवासीले दिएका छन् ।

औरही नगरपालिका वडा न. ९ मा रहेको लंका चारै तिर खोला खोल्सिले घेरियका छन । यहा करिव ५० घर परिवार रहेका छन । केहिदिन पहिला यस गाउँमा नत खानेपानी को सुभिधा थियो नत बिजुलीको सुबिधा थियो । तर यादव मेयर हुना साथ गाउँमा अटोमेटिक बोडिंग ,सोलार लाइट ,गाउँमा ठुलो लाइट टावर र सुबिधा सम्पन्न बाटोको निर्माण गरिएको छ ।

जसप्रति खुसि तथा आभार व्यक्त गर्दै लंकाका भोरिल लामा भन्दछन, "म त माओवादी पार्टीको मान्छे हो तर आज सम्म पार्टीका कुनै पनि नेता आफ्नो अनुहार देखाउन समेत यहाँ आएनन दलित भन्दै नेताहरुले हामीलाई नाराबाजी र हुलदंगामा मात्र सम्झने गर्छन । तर मेयर साहेबले हामीहरुलाई आफ्नै सम्झेर यो गाउँलाइ स्वर्ग झैँ सजाउन अहम प्रयास गरेकाले उहालाइ ह्रदय देखि नै धन्यवाद दिन्छौ र आउदो चुनावमा हाम्रो मत उहालाई नै जान्छ ।

त्यति मात्र नभएर आज सम्म कुनै पनि संचारकर्मी यस ठाउँमा आएर निरीक्षण नगरेको तर रेडियो जुनताराका टिमले जनसमुदाय समक्ष पुगेकोले उनलाई गाउँवासीले धन्यवाद ज्ञापन गरेका छन् ।

त्यस्तै सो गाउँमा एक घर पनि अशिक्षित नरहने मेयरले प्रतिवद्धता जनाएका छन् । उनले यो लंकाबासीले हरेक सुबिधा संग जुड्नुपर्छ र हरेक निकायमा दलितको पनि सहभागिता हुनुपर्छ आफ्नो धारणा व्यक्त गरेका छन् । साथै उनले संचारकर्मीहरुले पनि यस्ता किसिमको जनसमुदायको बारेमा आफ्नो कलम चलाउपर्ने र सम्बन्धित निकायसम्म गरिब विपन्न तथा दलितको समस्यालाइ पहुच गराउने कर्तव्य निर्वाह गर्नु अत्यावश्यक रहेको बताएका छन् ।