बाल एकताले मनायो ३० औं वार्षिकोत्सव तथा अभिभावक दिवस

3 वर्ष पहिले प्रकाशित

(2078-11-28 B.S.)

2954 पटक देखिएको

उपेन्द्र पासवान

फाल्गुन २८ गते

बारामा ख्याति प्राप्त गर्न सफल सदरमुकाम कलैयामा अवस्थित बाल एकता बोर्डिङ स्कुलको ३० औं वार्षिकोत्सव तथा अभिभावक दिवस भव्यताका साथ सम्पन्न भएको छ ।

विद्यालयको आफ्नै प्राङ्गणमा आज एक कार्यक्रमका बीच सम्पन्न भएको हो । कार्यक्रमको उद्घाटन गर्दै प्रमुख अतिथि समेत रहेका एन प्याब्सन बाराका अध्यक्ष प्रभु लाल कुश्वाहाले विद्यालयले शिक्षा विकासमा पुर्याएको योगदानको उच्च कदर सहित प्रसंशा गरेका थिए ।

उनले आजको दिन सम्म कलैयामा १० कक्षा पछी विद्यार्थीहरु बाहिर जाने गरेको र बाल एकताले ११ र १२ पनि समावेश गरेकोमा धन्यवाद दिदै अब उप्रान्त विद्यार्थीहरु बाहिर जानू नपर्ने र कलैया मै गुणस्तरीय शिक्षा हासिल गर्न सक्ने बताएका थिए ।

विद्यालय बाट २०६५ सालमा एसएलसी अध्ययन गरि डाक्टर राजिव यादवलाई विद्यालयका प्रधानाध्यापक रुपेश सरार्फले सम्मान गरेका थिए ।

विद्यालयका संस्थापक भोला साह सोनारको अध्यक्षतामा एवम एन प्याब्सन बाराका अध्यक्ष प्रभुलाल प्रसाद कुश्वाहाको प्रमुख आतिथ्यमा भएको कार्यक्रममा कलैया उपमहानगरपालिका वडा नम्बर ६ का वडा अध्यक्ष गम्भिरा लाल साह , कलैया उपमहानगरपालिकाका शिक्षा शाखा प्रमुख प्रल्हाद वर्णवाल , शिक्षा अधिकृत बिजय अधिकारी , शिक्षा विकास तथा समन्वय ईकाई बाराका प्रमुख भरत बहादुर श्रेष्ठ,परिक्षा शाखा प्रमुख प्राविधिक सहायक सन्तोष कुमार शर्मा, शिक्षा तालिम केन्द्र मधेस प्रदेशका शाखा अधिकृत भागिरथ झा , शिक्षा संघ बाराका अध्यक्ष परमहन्स यादव सहित जिल्लाका कधिकांस विद्यालयका प्रधानाध्यापक , संस्थापक अध्यक्ष लगायत बाल एकता विद्यालयका शिक्षक गण एवं अभिभावक एवं विद्यार्थीको उपस्थिति रहेकोे थियो ।