गौशाला नपाको नव निर्मित भवनको प्रचन्ड र मन्त्रि श्रेष्ठद्वारा उद्घाटन हुने

समाज मुख्य समाचार

4 वर्ष पहिले प्रकाशित

(2078-12-18 B.S.)

4767 पटक देखिएको

Niranjan Kumar Sah

निरन्जन कुमार साह

महोत्तरीको गौशाला नगरपालिकाको नव निर्मित भवनको उद्घाटन हुन लागेको छ ।

२० गते आइतबार पुर्व प्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल प्रचण्ड र भूमि व्यवस्था, सहकारी तथा गरिबी निवारण मन्त्रि शशी श्रेष्ठ द्वारा उद्घाटन हुने शुक्रबार एक प्रेस मिट आयोजना गर्दै गौशालाका नगर प्रमुख शिवनाथ महतोले सो कुराको जानकारी दिनुभयो ।

गौशाला नगरपालिकाको नव निर्मित भवनको सम्पूर्ण तयारी पुरा भएको समेत नगर प्रमुख महतोले जानकारी दिनुभयो । वर्षौ देखि भाडामा संचालन हुदै आइरहेको गौशाला नगर कार्यपालिकाको कार्यालय अब आफ्नै भवन निर्माण भएपछी सहज भएको सम्पूर्ण कामकाज नया भवनमा सरेको नगर प्रमुखले बताउनुभयो ।

गौशाला नगरपालिका वडा न.४ स्थित आइतबार दिउसो १ बजे भवनको उद्घाटन हुने जनाइएको छ ।

साथै गौशाला नगरपालिकामा मालपोत तथा नापी कार्यालयको पनि मन्त्रि शशी श्रेष्ठद्वारा उद्घाटन हुने भएको छ । गौशालामा मालपोत र नापी शाखा आए पश्चात गौशाला ,औरही ,सोनमा ,सम्सी लगायतका जनसमुदायले सहज रुपमा सेवा लिन पाउने भएका छन् ।

यो भन्दा पहिला कोशौ दुर जलेश्वरबाट सेवा लिनुपर्ने बाध्यता थियो । तर अब सो काम नजिक बाट हुने भएपछी जनसमुदायमा हर्षोल्लास छाएको छ ।