आज श्रद्धापूर्वक बरसाइत गरिदै पतिको दिर्घायुको लागि

6 वर्ष पहिले प्रकाशित

(2077-02-08 B.S.)

3531 पटक देखिएको

जेठ ९ महोत्तरी गौशाला

मिथिलाञ्चलका नारीले आज शुक्रबार श्रद्धापूर्वक बरसाइत गर्दैछन् । सौभाग्य–समृद्धि प्राप्तिका लागि यस व्रतमा वरको रूखको पूजा–आजा गर्ने चलन छ ।

वरको रूखको मूलमा ब्रह्मा, विष्णु तथा अग्रभागमा शिवको बास हुन्छ र सावित्री पनि सोही रूखमै प्रतिष्ठापित भएको विश्वासअनुसार यस व्रतको शुरुवात भएको हो । त्यसैले यसलाई वट–सावित्री पूजा भन्ने गरिएको छ ।

मैथिली भाषामा वटलाई वर भनिन्छ । अर्कोतिर पतिलाई पनि वर भन्ने गरिएको पाइन्छ । वटबृक्ष दीर्घायु बृक्ष हुने भएकाले यसको पूजा गर्ने मान्यता रहेको बताइन्छ ।

यो व्रत नवविवाहिताले विवाह भएपछिको पहिलो पटक विशेष विधिविधानका साथ गर्ने गर्दछन् भने दोस्रो पटकदेखि सधवा रहञ्जेलसम्म साधारण प्रकारले गर्ने गर्दछन् ।

यसमा वटबृक्षसम्म जाने सुविधा नभएको खण्डमा वटबृक्षको हाँगा टिपेर आँगनमा रोपेर पनि व्रत सम्पन्न गरिन्छ । पौराणिक कथाअनुसार सावित्रीले सोही रूखमुनि आराधना गरी मृत पति सत्यवानलाई जीवित तुल्याएको जनश्रूती छ ।

यसमा वरको रूखमुनि गौरी, भगवती र विसहराको कथा सुन्ने र पूजा सकिएपछि व्रत बस्ने महिलाले वरको पात कपालमा सिउरेर अटल सौभाग्यको वरदान माग्दछन् ।

यसै बीच गौशाला मा पनि देवी पोख्रेल आफ्नो पतिको को लम्बा आयु को लागि वटबृक्षको हाँगा टिपेर आँगनमा रोपेर पनि व्रत गरिएका छन ।

पोख्रेल अनुसार यो ब्रत गर्नेहरु आफ्नो पतिको सदैव आफ्नो साथ रहने पाउने र आयु पनि बढ्ने बताएका छन ।

आफ्नो बुवा आमा घर बाट आएपछि जिन्दगीमा सदैव रक्षा गर्ने पति बाहेक कोहि हुदैन र तेसैले पतिको लामो आयु होस् र सदैव हाम्रो साथ रहोस् भनेर यो ब्रत गरका छौ । यो ब्रत बस्ने हरु उपास बसी आफ्नो पति लाई सेवा गर्दै हाथे बेनाले हम्किने गर्द छन ।