इश्वरको नामम पैसा ठगिदै गौशालामा

समाज

4 वर्ष पहिले प्रकाशित

(2079-02-21 B.S.)

12682 पटक देखिएको

Niranjan Kumar Sah

निरन्जन कुमार साह

गौशाला , जेष्ठ २१

गौशाला नगरपालिका निगौल ठाकुर पोखरीको डिलमा करिब दुइ महिना देखि इश्वरको नाममा पैसा ठग्ने गरेको पाइएको छ ।

प्रत्येक शनिबार पोखरीको डिलमा सयौ महिलाहरुलाई बोलाइ जुनसुकै रोग पनि निधान हुने भन्दै मिनीवाटर उनीहरुलाई किन्न लगाई पैसा पनि ठग्ने गरेको पाइएको छ ।

सो काम बारा र चितवनको इश्वरीय मार्ग संस्था भन्ने नाम गरेको संस्थाले गर्ने गरेको छ । चितवन बासी जुला कुमलले पोखरीको डिलमा महिलाहरुलाई बोलाएर किड्नी समस्या , क्यान्सर रोग देखि जुन सुकै रोगको पनि निधान गरिदिन्छु भनेर मिनीवाटर पानि खुवाउने गरेकि छिन ।

यस्तो पत्यार नलाग्दो कुरामा पनि त्यहाँ सयौ महिलाहरु सहभागी देखिन्छन । जब सम्म ति महिलाहरुले पैसा दिएका हुदैनन् तबसम्म गित नाचगान ,भक्ति गराएर उनीहरुलाई ओझेलमा पार्ने गरेको देखिएको छ ।

त्यहाँ ५-७ जना महिलाहरुलाई प्लाटिकको झोलामा पैसा उठाउन लगाइन्छ र अन्त्यमा मिनीवाटर उनीहरु सबैलाइ किन्न लगाई त्यो पानिमा मन्त्र पढेको जस्तो गरि सो पानि खाएपछी उनीहरुको रोग निको हुन्छ भनि पठाउने गरेको पाइएको छ ।

केहि महिलाहरुले “हामीहरुको रोग निको भएको भनेर” प्रतिक्रिया समेत दिएका छन् ।

स्वास्थ्य सम्बन्धि समस्या समाधानका निम्ति निर्माण गरिएका अस्पताल ,क्लिनिक ,उपचार केन्द्रहरु प्रति विश्वास त्यहाँ जाने महिलाहरुलाई नभएको यसले प्रमणित गरेको छ भने झुटो आश्वासन दिएर पैसा ठग्नको लागि यस्ता गतिबिधि पछिल्ला समयमा केहि स्थानहरुमा पनि भएका छन् ।