उब्जाउ हुने खेति योग्य जमिनहरु बाढीको कटानबाट बचाउन महतोको मुख्य भुमिका

4 वर्ष पहिले प्रकाशित

(2079-03-25 B.S.)

3054 पटक देखिएको

गणेश कुशवाहा ।

बटेश्वर गाउँपालिका वडा नं. ३ पूर्वमा पर्ने सुकजोर खोलामा निरन्तर आईरहेको बाढीले गरेका कटानको कारण उब्जाउ हुने खेति योग्य जमिनहरु बाढीले कटान गरेका छन् । गाउँपालिकाबाट कुनै किसिमको उब्जाउ हुने खेति योग्य जमिनहरु बाढीको कटानबाट बचाउन सहयोग नआएको गाउँबासीहरुको आरोप छ ।

त्यसपछि भू तथा जलाधार व्यवस्थापन कार्यालय, सिरहा लहानको सहयोग र बटेश्वर गाउँपालिकाका समाज सेवि युवा नेता एवं वडा नं. ३ को लोसपा पार्टीका वडाध्यक्ष पदका प्रत्याशी राजदेव महतोको सक्रिय सहभागिता एवं हनुमान युवा क्लब सहयोग र वडा नम्बर ३ का युवा प्रवीण कु.महतो र विशेश्वर सिंहको सहयोगमा सुकजोर खोला बाढीको कटानबाट बचाउन ७००मिटर बाध निर्माण गराई बाधको दुबै छेउमा ७५० ओटा बास बिरुवा रोपेका छन् ।

यता बटेश्वर गाउँपालिकामा पटकपटक भन्दा पनि कुनै किसिमको सहयोग नआए पछि युवा नेता महतो आफु जसरी पनि उब्जाउ हुने खेति योग्य जमिनहरु कटानबाट बचाउन जहाँबाट भएपनि वडा नम्बर ३ बाढीको कटान बाट बचाउन बाध निर्माणमा मुख्य भिमुका रहेको महतोले बताए ।

भू तथा जलाधार व्यवस्थापन कार्यालय, सिरहा लहान र बटेश्वर गाउँपालिका वडा न.३ का समाजसेवि युवा नेता राजदेव महतो सहयोगमा खेलमैदान निर्माण ,पोखरी निर्माण गरेका छन् । पोखरी वरिपरि बोटबिरुवा रोपि शिवमन्दिर निर्माण गर्ने समेत योजना रहेको महतोले बताए । सुकजोर खोलाको छेउमै पोखरी र खेलमैदान निर्माण हुँदा गाउँबासीहरु खुशी व्यक्त गरेका छन् ।