गौशालाको प्राथमिक स्वास्थ्य केन्द्रमा सर्पदंश उपचार सेवा संचालन

समाज मुख्य समाचार

4 वर्ष पहिले प्रकाशित

(2079-04-04 B.S.)

3623 पटक देखिएको

गौशाला ,महोत्तरी

साउन ४ गते

महोत्तरीको गौशाला नगरपालिकाको प्राथमिक स्वास्थ्य केन्द्रमा सर्पदंश उपचार सेवा मंगलवार देखि संचालन भएको छ।

वर्षौदेखि कर्मचारीको अभावमा बन्द रहेको सर्पदंश सेवामा अक्सिजनको व्यवस्था इमेरजेन्सी व्यासेन्ट मनिटरको व्यवस्था , एन्टिस्नायकभेनमको व्यवस्था ,इन्ट्र्वेशनको सेवाका साथै संचालन भएको छ ।

विगत लामो समय देखि गौशाला प्राथमिक स्वास्थ्य केन्द्रबाट सर्पदंशको सेवा नपाएर धेरै मनिसको मृत्यु भइसकेको छ। भर्खर गौशाला नगरपालिका वडा नं. ४ रजखोरको विदयालयमा एक ६ वर्षीय बच्चाको सर्पको टोकाइबाट मृत्यु भए पक्ष्चात गौशाला नगरपालिकाका नगर प्रमुख डा. दिपेन्द्र महतोले सर्पदंश सेवालाई संचालन गराएका हुन् ।

उपचारको लागि गौशाला नगरपालिकाबाट निकै टाढा जानुपर्ने र समय मै उपचारको नपाउँदा बाटैमा ज्सयान जाने समेत भएको छ तर अब गौशाला नगरपालिकामा नै सर्पदंश सेवा संचालन हुँदा स्थानीयहरलाई केही राहत महसुस हुने नगर प्रमुख महतोले बताए ।

सर्पदंश उपचारबाट आउने दिनहरुमा गौशाला नगरपालिकाका मात्र नभई छेउछाउका नगरपालिका र गाउँपालिका वासी समेत यहाँबाट सेवा सुविधा पाउने विश्वास लिईएको छ । आउने दिनहरुमा यस्ता धेरै सेवा सुविधा सुचारु गराई यहाँका जनसमुदायलाई सेवा प्रदान गरिने महतोले बताए । निर्वाचनमा स्वास्थ्य विषयलाई मुख्य प्राथमिकता दिने बाचा गरे लगतै स्वास्थ्य क्षेत्रमा एक पछि अर्को कार्यमा आफू लागि परेको उनले बताए।

तराईको अधिकांस जिल्लाहरुमा उच्च गर्मी र वर्षाको कारणले सुरक्षीत स्थलको खोजीमा सर्प हिड्डुल गर्ने गर्द्छ ।उच्च वर्षाको कारण सर्प वासस्थानमा पसे पछि सर्प सुख्खा स्थानतर्फ जादैक्रममा मानिसले मार्न आउदै गरेको सर्पले सम्झेर मानिसलाई डस्ने गर्दछ ।