नैतिकता गुमाइसकेका छन् सामुदायिक विद्यालयका शिक्षकहरुले : प्र.अ.भरत सिंह

समाज मुख्य समाचार

4 वर्ष पहिले प्रकाशित

(2079-04-29 B.S.)

6224 पटक देखिएको

Niranjan Kumar Sah

निरन्जन कुमार साह

गौशाला ,श्रावण २९

सामुदायिक विद्यालयका शिक्षकहरुले पैसाको लोभमा आफ्नो नैतिकता गुमाइसकेको प्रधानाध्यापक भरत सिंहले बताएका छन् । शनिबार रेडियो जुनतारा १०३.४ मेगाहर्ज मार्फत प्रशारित शैक्षिक बहस कार्यक्रममा बोल्दै गौशाला नगरपालिका ८ स्थित रहेको श्री विरेन्द्र मा.वि. बेल्गाछीका प्रधानाध्यापक भरत सिंहले यस्तो बताएका हुन् ।

शिक्षा क्षेत्रमा अहिले उठेका विभिन्न प्रश्नले शिक्षकहरुले नैतिकतामाथि प्रश्न उठेको उनले बताए । उनले भने, "यो मर्यादित पेशालाई सामुदायिक विद्यालयका शिक्षकहरुले कलंकित गरिरहेका छन् । आफ्नो जिम्मेवारी वहन गर्न अहिलेका शिक्षकहरु असफल छन् ।"

गौशाला नगरपालिकाको शिक्षाको अवस्था खस्किनुमा सामुदायिक विद्यालयका शिक्षकहरु दोषी रहेको उनले बताए ।उनले भने , "सामुदायिक विद्यालयको अवस्था अहिले धेरै नै नाजुक छ । शिक्षकको स्वार्थीपनले यस नगरको शैक्षिक अवस्था विग्रदो छ । सामुदायिक विद्यालयका शिक्षकहरुले प्राइभेट विद्यालयमा राम्ररी पढाउछन् तर सामुदायिक विद्यालयमा ठ्याक्कै उल्टो गर्छन ।

"सामुदायिक विद्यालयको साथसाथै निजि विद्यालयमा पनि पैसाको लोभमा पढाउन जाने ,सामुदायिक विद्यालयमा ढिलो आउने , कक्षाका ढिलो जाने वा जानको लागि पटक पटक भन्नुपर्ने, गफ गरेर बस्ने ,मोबाइल चलाएर बस्ने प्रवृत्तिले सामुदायिक विद्यालयको शिक्षकहरुको नैतिकतामाथि प्रश्न उठेको छ ।"

उनले शिक्षकहरु गुटबन्दी गरेर प्रध्यानाध्यापकहरुलाइ नटेर्ने , आफ्नो मनमानी ढंगले पढाउने, मन लागे आउने, मन नलागे नआउने पनि अवस्था रहेको उनले गुनासो गरे ।

"त्यहि शिक्षकले पढाएका निजि विद्यालयका विद्यार्थीको शैक्षिक स्तर राम्रो र सरकारी विद्यालयका विद्यार्थीहरुको शैक्षिक स्तर कहाली लाग्दो रहेको छ । तसर्थ जब सम्म शिक्षक सुध्रिदैनन तब सम्म शिक्षा गुणस्तरीय हुदैन ।"

गौशाला नगरपालिकामा शिक्षक महासंघले दुइतर्फी खेल खेलेर शिक्षकहरुको आपसी सम्बन्ध र शिक्षालाई नै ध्वस्त पारिसकेको उनले दावी गरे ।

अहिलेका शिक्षकहरुले शिक्षक ऐन नीति अध्ययन गर्नुपर्ने जरुरि रहेको उनको भनाइ रहेको छ ।