जि.एस. समाज सेवा युवा क्लबद्वारा मलेशियामा मृत्यु भएका सरोज यादवको परिवारलाई आर्थिक सहयोग

समाज मधेश प्रदेश मुख्य समाचार

3 वर्ष पहिले प्रकाशित

(2079-05-01 B.S.)

7955 पटक देखिएको

Niranjan Kumar Sah

निरन्जन कुमार साह

सोनमा महोत्तरी

महोत्तरीको सोनमा गाउँपालिका वडा न.७ सुन्दरपुरका सरोज यादवको परिवारलाई जि.एस. समाज सेवा युवा क्लबले आर्थिक सहयोग गरेको छ । रोजगारीको शिलशिलामा मलेशिया गएका सरोज यादवको विदेशमै दुर्घटना परि ०४/०७/२०२२ मा मृत्यु भएको थियो । दुर्घटनामा यादवको मस्तिष्कमा गम्भीर चोट लागेको थियो ।

यादवको परिवारलाई राहत स्वरूप जि.एस. समाज सेवा युवा क्लबले बुधबार ८ लाख १४ हजार ७ सय ७१ रुपैया सहयोग गरेको छ ।

जि.एस. समाज सेवा युवा क्लब अन्तर्गत रहेका जिमेल कम्पनि ,सोंग्लिन कम्पनि ,ओरेन्ज कम्पनि ,र बुलुबेरी कम्पनिमा कार्यरत सबै नेपालीहरुबाट प्रतिव्यक्ति २५ रुपैयाको दरले संकलन गरि मृतक यादवका बुबा सुरेश यादवलाइ सो रकम हस्तान्तरण गरिएको क्लबका उपाध्यक्ष विजय जयसवालले जानकारी दिए ।

रकम हस्तान्तरण कार्यक्रममा क्लबका उपाध्यक्ष जयसवाल लगायत सदस्य बिनेस जयसवाल ,रामजीवन साह , मृतक यादवका बुबा सुरेश यादव ,सोनमा गाउँपालिका वडा न.७ का वडा अध्यक्ष इन्द्रजित यादव,पत्रकारहरुको उपस्थिति रहेको थियो ।

सहयोग गरेबापत मृतक यादवको परिवारले क्लबलाई धन्यवाद व्यक्त गरे ।